Vadodara: પાદરામાં પિતાની હત્યાનો ચોંકાવનારો ખુલાસો, સગી દીકરીએ જ પ્રેમી સાથે મળી પિતાને પતાવી દીધા!
Vadodara ના પાદરામાં શનાભાઈ ચાવડાની હત્યાનો ભેદ પોલીસે ઉકેલી નાખ્યો છે. પ્રેમ પ્રકરણમાં પિતા નડતરરૂપ બનતા હોવાથી સગી દીકરીએ જ પ્રેમી રણજીત વાઘેલા અને તેના મિત્ર ભવ્ય વસાવા પાસે પિતાની હત્યા કરાવી હતી. દીકરીએ માતા-પિતાને જમવામાં ઊંઘની ગોળીઓ આપી દીધી હતી અને પિતા ઊંઘતા હતા ત્યારે જ તીક્ષ્ણ હથિયારના ઘા મારી તેમની હત્યા કરવામાં આવી હતી.
Advertisement
- Vadodara ના પાદરામાં હત્યાનો પોલીસે ભેદ ઉકેલ્યો
- શના ચાવડાની તીક્ષ્ણ હથિયારના ઘા મારી હત્યા કરી હતી
- રણજીત વાઘેલા અને ભવ્ય વસાવાએ હત્યા કરી હોવાનું ખુલ્યું
- શના ચાવડાની દીકરીએ જ પિતાની હત્યા કરાવી
- પોતાના પ્રેમી રણજીત વાઘેલા અને તેના મિત્ર પાસેથી હત્યા કરાવી
- દીકરીએ હત્યા પહેલા માતાપિતાને ભોજનમાં ઊંઘની ગોળીઓ આપી
- ઊંઘમાં જ આરોપીઓએ શના ચાવડાની હત્યા કરી
Vadodara:સંસ્કારી નગરી વડોદરાના પાદરા (Padra) પંથકમાં તાજેતરમાં થયેલી શનાભાઈ ચાવડા (Shanabhai Chavda) નામના વ્યક્તિની હત્યા (Murder) એ સમગ્ર પંથકમાં ચકચાર જગાવી હતી. પોલીસ તપાસમાં જે તથ્યો સામે આવ્યા છે તે સાંભળીને સૌ કોઈ સ્તબ્ધ થઈ ગયા છે. પિતાની છત્રછાયામાં મોટી થયેલી દીકરી (Daughter) એ જ પોતાના પ્રેમ પ્રકરણ (love affair) માં પિતા (Father) અવરોધ બનતા હોવાથી તેમની નિર્મમ હત્યા કરાવી હોવાનો ખુલાસો થયો છે. પોલીસે આ મામલે હત્યારા પ્રેમી, તેના મિત્ર અને પુત્રીની ધરપકડ કરી છે.