Vadodara SSG Hospital Controversy: જવાબદારીથી છટકતું SSG હોસ્પિટલ, મૃતદેહો માટે જાહેર કર્યું વિવાદાસ્પદ ફોર્મ

જવાબદારીમાંથી હાથ અધર કરતું હોસ્પિટલ તંત્ર

એસએસજી હોસ્પિટલ દ્વારા પરિવારજનો પાસે જે ફોર્મ ભરાવવામાં આવે છે, તેમાં વિવાદાસ્પદ શરતો મૂકવામાં આવી છે. મૃતદેહ કોલ્ડ રૂમમાં રાખતી વખતે પરિવારને એક લેખિત સંમતિ આપવી પડે છે. આ ફોર્મ મુજબ જો મૃતદેહને કોઈ પણ પ્રકારની ક્ષતિ કે નુકસાન પહોંચે તો હોસ્પિટલની કોઈ જવાબદારી રહેશે નહીં. સરકાર દ્વારા કરોડો રૂપિયાના ખર્ચે આધુનિક સુવિધાઓ ઉભી કરવામાં આવી છે છતાં હોસ્પિટલ તંત્ર આવી રીતે પોતાની ફરજમાંથી છટકી રહ્યું છે. અગાઉ મૃતદેહ ડિકમ્પોઝ થઈ જવાની ઘટનાઓ બની ચૂકી છે. છતાં હોસ્પિટલ તંત્ર સબક શીખવા તૈયાર નથી.

આરોગ્ય મંત્રી પ્રફુલભાઈ પાનશેરિયાની પ્રતિક્રિયા

આ મામલે રાજ્યના આરોગ્ય મંત્રી પ્રફુલભાઈ પાનશેરિયાએ કડક શબ્દોમાં પ્રતિક્રિયા આપી છે. તેમણે સ્પષ્ટ કર્યું છે કે મૃતદેહોનું સન્માન જળવાવું ખૂબ જરૂરી છે અને કોઈપણ સંજોગોમાં તેની અવગણના ન થવી જોઈએ. મંત્રીએ ખાતરી આપી છે કે ફોર્મમાં રહેલી તમામ ક્ષતિઓ તાત્કાલિક સુધારી લેવામાં આવશે. હોસ્પિટલ તંત્રએ પોતાની જવાબદારી સ્વીકારવી જ પડે તેવું પણ તેમણે ભારપૂર્વક જણાવ્યું છે. મંત્રીના નિવેદન બાદ આ સમગ્ર મામલે તપાસના આદેશની આશા જાગી છે.

Vadodara SSG HospitalControversy | હોસ્પિટલના વિવાદિત ફોર્મ મામલે આરોગ્ય મંત્રી એક્શનમાં | Gujarat First

રાજ્ય આરોગ્ય મંત્રી પ્રફુલભાઈ પાનશેરિયાએ આપી પ્રતિક્રિયા
મૃતદેહોનું સન્માન જળવાવવું જ જોઈએઃ પ્રફુલભાઈ પાનશેરિયા
જે ક્ષતિ હશે તે સુધારી લેવામાં આવશેઃ પ્રફુલભાઈ પાનશેરિયા… pic.twitter.com/pH9NK5zqZK

— Gujarat First (@GujaratFirst) June 16, 2026

આ પણ વાંચો--- Operation Childhood Freedom: 14 દિવસમાં 84 બાળમજૂરોને મુક્ત કરાવ્યાં, 26 લોકો સામે નોંધાયા કેસ