Vadodara: દિવાલ તોડી મકાનના આંગણામાં ઘૂસી ગાડી, MGVCLના કર્મચારીઓ ઘટનાસ્થળેથી ફરાર!
- Vadodara MGVCL Car Accident: બંસલ મોલ સામે અકસ્માત
- MGVCLની ગાડીએ ડ્રાઈવર કાબૂ ગુમાવતા ડિવાઈડર ચડી
- ગાડી રહેણાંક મકાનના કમ્પાઉન્ડમાં ઘૂસીતા ભારે નુકસાન
Vadodara MGVCL Car Accident: વડોદરા શહેરના તરસાલી (Tarsali) વિસ્તારમાં એક ભયાનક અકસ્માતની ઘટના સામે આવી છે. તરસાલી રોડ પર આવેલા પ્રખ્યાત બંસલ મોલ (Bansal Mall) ની સામેના ભાગે મધ્ય ગુજરાત વીજ કંપની લિમિટેડ (MGVCL) ની એક ગાડીના ડ્રાઈવરે સ્ટેયરિંગ પરથી કાબૂ ગુમાવતા ગમખ્વાર અકસ્માત સર્જાયો હતો. આ ઘટનાને પગલે સમગ્ર વિસ્તારમાં ભારે અફરાતફરીનો માહોલ જોવા મળ્યો હતો. આ બેકાબૂ બનેલી ગાડીના સીસીટીવી ફૂટેજ પણ વાયરલ થયા છે.
Vadodara MGVCL Car Accident: ગાડીની ટક્કરે પાકી દિવાલ તૂટી પડી
મળતી જાણકારી અનુસાર MGVCL ની ડ્રાઈવરે એકાએક કાબૂ ગુમાવતા ગાડી રોડ વચ્ચેના ડિવાઈડર (Divider) પર ચઢી ગઈ હતી અને સામેની બાજુએ આવેલા એક રહેણાંક મકાનની કમ્પાઉન્ડ દીવાલ (Compound Wall) સાથે જોરદાર રીતે અથડાઈ હતી. ટક્કર એટલી પ્રચંડ હતી કે મકાનની પાકી દીવાલ પત્તાના મહેલની જેમ તૂટી પડી હતી અને ગાડી સીધી મકાનના આંગણામાં ઘૂસી ગઈ હતી. સદનસીબે, અકસ્માત સમયે આંગણામાં કે દીવાલ પાસે કોઈ વ્યક્તિ હાજર ન હોવાથી મોટી જાનહાની ટળી હતી.
Vadodara MGVCL Car Accident: અકસ્માતના CCTV ફૂટેજ આવ્યા સામે
આ સમગ્ર ઘટનાના સીસીટીવી (CCTV) ફૂટેજ હવે સોશિયલ મીડિયા પર વાયરલ થયા છે. ફૂટેજમાં સ્પષ્ટપણે જોઈ શકાય છે કે કઈ રીતે બેકાબૂ બનેલી સરકારી ગાડી રસ્તા પરથી સીધી મકાનમાં ઘૂસે છે.
આ પણ વાંચોઃ Bhavnagar: ચિત્રા GIDCમાં JK Tyre ના ગોડાઉનમાં ભીષણ આગ, 11 ફાયર ફાઇટરોની લેવાઈ મદદ
MGVCL ના 4 કર્મચારીઓ સ્થળ પરથી ફરાર
આ અકસ્માતમાં સૌથી આશ્ચર્યજનક બાબત એ રહી કે, અકસ્માત સર્જાયા બાદ ગાડીમાં સવાર MGVCL ના 4 કર્મચારીઓ લોકો ભેગા થાય તે પહેલા જ ગાડી મૂકીને ઘટનાસ્થળેથી નાસી છૂટ્યા હોવાની માહિતી મળી રહી છે. સરકારી વિભાગની ગાડી હોવા છતાં જવાબદારી સ્વીકારવાને બદલે કર્મચારીઓનું આ રીતે ફરાર થઈ જવું એ ચર્ચાનો વિષય બન્યો છે. મકાન માલિક દ્વારા આ બાબતે રોષ વ્યક્ત કરવામાં આવ્યો છે, કારણ કે તેમના મકાનના કમ્પાઉન્ડને (Compound) ભારે આર્થિક નુકસાન પહોંચ્યું છે.
Vadodara: કાબૂ ગુમાવતા ડિવાઈડર કુદાવી ગાડી સીધી મકાનમાં ઘૂસી! | Gujarat First
વડોદરાના તરસાલી વિસ્તારમાં બંસલ મોલ સામે અકસ્માત
MGVCLની ગાડીએ ડ્રાઈવર કાબૂ ગુમાવતા ડિવાઈડર ચડી
ગાડી રહેણાંક મકાનના કમ્પાઉન્ડમાં ઘૂસીતા ભારે નુકસાન
અકસ્માતના સીસીટીવી ફૂટેજ સામે આવ્યા
અકસ્માત બાદ… pic.twitter.com/GGBWyzxeVt— Gujarat First (@GujaratFirst) February 21, 2026
મકરપુરા પોલીસ મથકે નોંધાઈ ફરિયાદ
ઘટનાની જાણ થતા જ મકરપુરા પોલીસ (Makarpura Police Station) કાફલો સ્થળ પર પહોંચી ગયો હતો. પોલીસે ક્રેઈનની મદદથી ક્ષતિગ્રસ્ત ગાડીને મકાનમાંથી બહાર કાઢી હતી. હાલમાં મકાન માલિકની ફરિયાદના આધારે પોલીસે ફરાર કર્મચારીઓ વિરુદ્ધ ગુનો નોંધી વધુ તપાસ હાથ ધરી છે.
આ પણ વાંચોઃ Vadodara: BAMSના વિદ્યાર્થીએ આપઘાતનો પ્રયાસ કરતાં ચકચાર, શું છે કારણ?