Vadodara Traffic Bride: કાર છોડી એક્ટિવા પર કેમ મંડપે પહોંચી દુલ્હન? ટ્રાફિકે કરાવ્યો ખેલ

જાન પહોંચી ગઈ પણ દુલ્હન નહીં

મળતી માહિતી મુજબ, લગ્નસ્થળે એટલે કે પાર્ટી પ્લોટ (Party Plot) પર વરરાજા અને જાન પહેલેથી જ પહોંચી ગઈ હતી અને લગ્નનું મુહુર્ત (Wedding Muhurat) વીતી રહ્યું હતું. દુલ્હનની શણગારેલી કાર ટ્રાફિકમાં એવી રીતે ફસાઈ હતી કે જે અંતર કાપવામાં સામાન્ય રીતે માત્ર 15 મિનિટનો સમય લાગે છે, તેને પાર કરતા 45 મિનિટ જેટલો સમય લાગી ગયો હતો. મુહુર્ત સાચવવું અત્યંત જરૂરી હોવાથી, પરિવારે કલાકો સુધી કારમાં બેસી રહેવાને બદલે એક જુગાડ વિચાર્યો. દુલ્હને અધવચ્ચે રસ્તા પર કારમાંથી ઉતરીને ત્યાંથી પસાર થતા એક અજાણ્યા ટુ-વ્હીલર (Two-wheeler) ચાલક પાસે લિફ્ટ માંગી હતી.

દુલ્હનને કર્યો જુગાડ

અજાણ્યા યુવાને મદદ કરતા, ભારે ભરખમ બ્રાઈડલ ડ્રેસ અને ઘરેણાં પહેરેલી દુલ્હન એક સામાન્ય એક્ટિવા (Activa Scooter) પર બેસીને સમયસર મંડપ સુધી પહોંચી હતી. આ ટ્રાફિકના ત્રાસ અને સમયના અભાવે દુલ્હને પોતાનું પ્રિ-વેડિંગ અને વેડિંગ ફોટોશૂટ (Wedding Photoshoot) પણ મજબૂરીમાં પડતું મૂકવું પડ્યું હતું. એક્ટિવા પર જતી દુલ્હનનો આ વીડિયો અત્યારે સોશિયલ મીડિયા પર લોકોના આકર્ષણનું કેન્દ્ર બન્યો છે.

તંત્રની કામગીરી, ટ્રાફિકની સમસ્યા

તંત્ર દ્વારા શહેરભરમાં રોડ-રસ્તા ખોદી નાખવામાં આવ્યા છે અને અનેક જગ્યાએ લાંબા ડાયવર્ઝન (Route Diversions) આપવામાં આવ્યા છે. આ મસમોટા ખાડાઓ (Potholes), ધૂળ અને ડાયવર્ઝનના કારણે રોજિંદા મુસાફરો ભારે હાલાકીનો સામનો કરી રહ્યા છે. વડોદરા ટ્રાફિક સમસ્યા (Vadodara Traffic Issue) હવે એક ગંભીર બીમારી સમાન બની ગઈ છે. આખી ઘટના એ વાતની ચાડી ખાય છે કે સ્માર્ટ સિટીના દાવાઓ વચ્ચે તંત્રના નબળા આયોજનને કારણે સામાન્ય નાગરિકોના સૌથી મહત્વના દિવસો પણ પ્રભાવિત થઈ રહ્યા છે.

આ પણ વાંચો : Kitchen Garden : નિવૃત્ત બેંક ઓફિસર પોતાના ઘરે સફળ ખેડૂત બન્યા