Vadodara માં પ્રેમી યુગલે ઓઢણીથી બાંધીને કેનાલમાં લગાવી મોતની છલાંગ, તરતા મળ્યા મૃતદેહ
- Vadodara: વાઘોડિયાના સરણેજ પાસે નર્મદા કેનાલમાં પ્રેમી પંખીડાનો આપઘાત
- ઓઢણી વડે એકબીજાને બાંધી યુગલે કેનાલમાં મોતની છલાંગ લગાવી
- જરોદ પોલીસની હદમાંથી યુવક અને યુવતીના મૃતદેહ મળી આવ્યા
Vadodara: વડોદરા જિલ્લાના વાઘોડિયા તાલુકામાં આવેલા સરણેજ (Saranej) ગામ પાસેથી પસાર થતી નર્મદા મેઈન કેનાલમાં (Main Canal) એક હૃદયદ્રાવક ઘટના સામે આવી છે. અહીં એક પ્રેમી પંખીડાએ કેનાલમાં કૂદીને સામૂહિક આપઘાત (Mass Suicide) કરી લેતા સમગ્ર પંથકમાં અરેરાટી વ્યાપી ગઈ છે. સ્થાનિક લોકોએ કેનાલના પાણીમાં મૃતદેહો તરતા જોતા તુરંત જ પોલીસને જાણ કરી હતી. હાલ ફાયર વિભાગે મૃતદેહોને બહાર કાઢી પી.એમ અર્થે ખસેડ્યા છે.
ઓઢણીથી બંધાયેલા હતા બંને યુગલો
આ ઘટનામાં સૌથી ચોંકાવનારી બાબત એ સામે આવી છે કે, યુવક અને યુવતીએ મરતા પહેલા એકબીજાને ઓઢણીવડે મજબૂત રીતે બાંધી દીધા હતા. એકબીજાનો સાથ ક્યારેય ન છૂટે તેવા ઈરાદા સાથે આ યુગલે કેનાલના ઉંડા પાણીમાં મોતની છલાંગ (Leap of Death) લગાવી હતી. પ્રાથમિક અંદાજ મુજબ મૃતક યુવક અને યુવતીની ઉંમર અંદાજે 25 થી 30 વર્ષની હોવાનું જણાઈ રહ્યું છે. પ્રાથમિક અનુમાન છે કે પ્રેમ પ્રકરણમાં આ પગલું ભર્યું હોઈ શકે છે.
વાઘોડિયાના સરણેજ પાસે નર્મદા કેનાલમાં પ્રેમી પંખીડાનો આપઘાત
ઓઢણી વડે એકબીજાને બાંધી યુગલે કેનાલમાં મોતની છલાંગ લગાવી
જરોદ પોલીસની હદમાંથી યુવક અને યુવતીના મૃતદેહ મળી આવ્યા
આશરે 30 વર્ષના યુગલે જીવન ટૂંકાવતા સમગ્ર પંથકમાં ચકચાર
સ્થાનિકોએ મૃતદેહ જોતા તુરંત જ જરોદ પોલીસને જાણ કરી… pic.twitter.com/BUvaZxGMSi— Gujarat First (@GujaratFirst) April 23, 2026
પોલીસે મૃતદેહ કબજે કરી તપાસ હાથ ધરી
જરોદ પોલીસ દ્વારા તપાસનો ધમધમાટ આ ઘટના જરોદ પોલીસ મથકની (Jarod Police Station) હદમાં બની હોવાથી પોલીસનો કાફલો ઘટના સ્થળે દોડી આવ્યો હતો. સ્થાનિક તરવૈયાઓની મદદથી બંને મૃતદેહોને (Dead Bodies) કેનાલમાંથી બહાર કાઢવામાં આવ્યા હતા. પોલીસે પંચનામું (Inquest) કરી બંનેના શબને પોસ્ટમોર્ટમ (Post-Mortem) અર્થે હોસ્પિટલ ખસેડ્યા છે. હાલમાં આ યુગલ ક્યાંનું વતની છે અને તેમના પરિવારજનો કોણ છે તે દિશામાં પોલીસે ઓળખ વિધિની (Identification Process) તપાસ તેજ કરી છે.
વિસ્તારમાં ખળભળાટ
આ બે મૃતદેહો મળતાં આસપાસના વિસ્તારમાં ખળભળાટ મચી ગયો છે. ઘેરા શોકની લાગણી જોવા મળી રહી છે. આ ઘટનાની જાણ થતાં કેનાલ કાંઠે મોટી સંખ્યામાં લોકોના ટોળા એકઠા થયા હતા. પોલીસે અકસ્માતે મોતનો ગુનો નોંધી આગળની કાયદેસરની કાર્યવાહી (Legal Proceedings) હાથ ધરી છે.
આ પણ વાંચોઃ Surat માં ફૂટપાથ પરથી અપહરણ થયેલી બાળકી મળી, માતા સાથે થયું મિલન