Yusuf Pathan Resignation Rumors : શું યુસુફ પઠાણ આપશે રાજીનામું? તૃણમૂલ કોંગ્રેસના સાંસદે પોતે જ આપ્યો જવાબ

સોશિયલ મીડિયા પર વાયરલ થયેલા સમાચારો માત્ર અફવા: યુસુફ પઠાણનો દાવો

છેલ્લા થોડા દિવસોથી સોશિયલ મીડિયા અને કેટલાક મીડિયા પ્લેટફોર્મ પર એવા અહેવાલો વહેતા થયા હતા કે પૂર્વ ક્રિકેટર અને પશ્ચિમ બંગાળના બહરામપુરથી ટીએમસીના સાંસદ યુસુફ પઠાણ પોતાના પદ પરથી રાજીનામું આપી શકે છે. આ ચર્ચા એટલી જોર પકડી રહી હતી કે લોકોમાં અનેક તર્ક-વિતર્કો શરૂ થઈ ગયા હતા. જોકે, હવે ખુદ યુસુફ પઠાણે સામે આવીને આ સમગ્ર વિવાદનો અંત આણી દીધો છે.

મમતા બેનર્જી કે પાર્ટીના કોઈ નેતાએ રાજીનામું નથી માંગ્યું

"મને ટીએમસી પ્રમુખ મમતા બેનર્જી કે પાર્ટીના અન્ય કોઈ વરિષ્ઠ નેતાએ રાજીનામું આપવા માટે ક્યારેય કહ્યું નથી. સોશિયલ મીડિયા પર જે વાતો ચાલી રહી છે તે માત્ર અને માત્ર અફવા છે." - યુસુફ પઠાણ, સાંસદ, TMC

પઠાણે ભારે આક્રોશ અને દુઃખ સાથે જણાવ્યું હતું કે આવી આધાર વગરની અને મનઘડંત વાતો મીડિયામાં ચલાવવામાં આવી રહી છે, જેનાથી તેમને અને તેમના સમર્થકોને ઘણું દુઃખ પહોંચ્યું છે.

લોકસભા ચૂંટણીમાં ભવ્ય જીત બાદ કેમ શરૂ થઈ આ વિવાદિત ચર્ચા?

યુસુફ પઠાણે પશ્ચિમ બંગાળની બહરામપુર બેઠક પરથી કોંગ્રેસના દિગ્ગજ નેતા અધીર રંજન ચૌધરીને હરાવીને મોટી જીત મેળવી હતી. આ જીત બાદ તેઓ વિસ્તારમાં સક્રિય પણ છે. પરંતુ અચાનક તેમના રાજીનામાના અહેવાલો આવતા રાજકીય પંડિતો પણ આશ્ચર્યમાં મુકાયા હતા. યુસુફે સ્પષ્ટ કર્યું છે કે તેઓ પોતાના ક્ષેત્રની જનતાની સેવા કરવા માટે કટિબદ્ધ છે અને આવી અફવાઓ ફેલાવનારાઓથી સાવધ રહેવાની જરૂર છે.

આ પણ વાંચો : Rajya sabha Candidate Mukesh Rathwa Profile: ભાજપે જાહેર કરેલા રાજ્યસભાના ઉમેદવાર મુકેશભાઈ રાઠવાની જાણો પ્રોફાઈલ