Valsad News: ભીલાડ-સરીગામને જોડતા નવા રેલ્વે અંડર બ્રિજનું સાંસદ ધવલભાઈ પટેલના હસ્તે લોકાર્પણ, સ્થાનિકોને ટ્રાફિકમાંથી મળી મુક્તિ

Valsad  માં સાંસદ ધવલભાઈ પટેલના હસ્તે નવા રેલ્વે અંડર બ્રિજનું લોકાર્પણ

આ લોકાર્પણ કાર્યક્રમ વલસાડના લોકપ્રિય સાંસદ ધવલભાઈ પટેલના અધ્યક્ષ સ્થાને યોજાયો હતો. આ પ્રસંગે ઉમરગામના લોકલાડીલા ધારાસભ્ય રમણભાઈ પાટકર તેમજ વલસાડ જિલ્લા પંચાયતના પ્રમુખ હેતલબેન પટેલ વિશેષ રૂપે ઉપસ્થિત રહ્યા હતા.

સ્થાનિકોને ટ્રાફિકમાંથી મળી મુક્તિ

​છેલ્લા ઘણા સમયથી આ માર્ગ પરથી પસાર થતા વાહનચાલકો અને સ્થાનિક રહીશોને ભારે અગવડતાનો સામનો કરવો પડતો હતો અને કલાકો સુધી ટ્રાફિક જામની સ્થિતિ સર્જાતી હતી. આજે આ આધુનિક રેલ્વે અંડર બ્રિજ ખુલ્લો મુકાતા જ લોકોને મોટી ટ્રાફિક સમસ્યામાંથી કાયમી મુક્તિ મળી છે. આ સુવિધાથી ભીલાડ-સરીગામ અને હાઇવે વચ્ચેની કનેક્ટિવિટી વધુ ઝડપી અને સુરક્ષિત બનશે

સાંસદ ધવલભાઈ પટેલનું નિવેદન

​આ પ્રસંગે સાંસદ ધવલભાઈ પટેલે જણાવ્યું હતું કે, "કેન્દ્ર અને રાજ્ય સરકાર છેવાડાના માનવી સુધી સુવિધાઓ પહોંચાડવા કટિબદ્ધ છે. આ અંડર બ્રિજના નિર્માણથી સ્થાનિક ઉદ્યોગો, વેપારીઓ અને સામાન્ય જનતાના સમય અને ઇંધણની મોટી બચત થશે."

જનતાએ સાંસદ અને રેલ્વે તંત્રનો માન્યો આભાર

​આ લોકાર્પણ પ્રસંગે હર્ષોલ્લાસ સાથે ઉપસ્થિત સ્થાનિક નાગરિકોએ સાંસદ ધવલભાઇ પટેલ, ધારાસભ્ય અને રેલ્વે પ્રશાસનનો દિલથી આભાર વ્યક્ત કર્યો હતો. કાર્યક્રમમાં સ્થાનિક સંગઠનના હોદ્દેદારો, ચૂંટાયેલા જનપ્રતિનિધિઓ, રેલ્વેના ઉચ્ચ અધિકારીઓ તેમજ ખૂબ મોટી સંખ્યામાં સ્થાનિક અગ્રણીઓ અને ગ્રામજનો હાજર રહ્યા હતા.

આ પણ વાંચો:  Ahmedabad News: કૃષ્ણનગરમાં 50 લાખની લૂંટનો ભેદ ઉકેલાયો, મુખ્ય સૂત્રધાર મહિલા ઝડપાઈ