Valsad rain news : 2 કલાકમાં 6.2 ઈંચ વરસાદ ખાબક્યો, કોલેજથી લઈ સરકારી કચેરીઓમાં ભરાયા પાણી

Valsad rain news : સાયન્સ કોલેજ કેમ્પસ અને પોસ્ટ ઓફિસમાં ભરાયા પાણી

ઉલ્લેખીય છે કે ભારે વરસાદના પગલે નીચાણવાળા વિસ્તારની સ્થિતિ ખૂબ જ ગંભીર બની ગઈ છે. વલસાડની પ્રસિદ્ધ સાયન્સ કોલેજ કેમ્પસમાં પણ પાણી ભરાયા હોવાનું સામે આવ્યું છે. કોલેજમાં પાણી ફરી વળતા શૈક્ષણિક કાર્યને વ્યાપક અસર પહોંચી છે. આ ઉપરાંત, વલસાડ શહેરની મુખ્ય પોસ્ટ ઓફિસની અંદર પણ વરસાદી પાણી ઘૂસી જતાં સરકારી દસ્તાવેજો અને સાધનોને બચાવવા માટે કર્મચારીઓ ભારે મૂંઝવણમાં મુકાયા હતા અને ઓફિસની કામગીરી ઠપ્પ થઈ ગઈ હતી.

યોગેશ્વર નગરમાં ભરાયા ઘૂંટણસમા પાણી

બીજી તરફ, વલસાડ શહેર અને ભાગડાવાડા ગામને જોડતા મુખ્ય માર્ગ પર નદી વહેતી હોય તેવા દ્રશ્યો સર્જાયા છે. ભાગડાવાડા વિસ્તારમાં આવેલી યોગેશ્વર નગર સોસાયટીમાં ઘૂંટણસમા પાણી ભરાઈ ગયા છે. સ્થાનિક રહીશોના ઘરોમાં વરસાદી પાણી ઘૂસી જતાં ઘરવખરીને મોટું નુકસાન થયું છે. સોસાયટીઓ અને રસ્તાઓ પર પાર્ક કરેલા અનેક વાહનો પાણીમાં ગરકાવ થઈ જવાથી બંધ પડી ગયા છે, જેને કારણે સ્થાનિક લોકો ભારે હાલાકીનો સામનો કરી રહ્યા છે.

આ પણ વાંચો - Porbandar Rain : કુતિયાણામાં મેઘરાજાની તોફાની બેટિંગ, 6 ઈંચ વરસાદ વરસતા 15 વીજપોલ ધરાશાયી, જુઓ Video