હિતેન કુમારનાં દમદાર અભિનય સાથે આજે રીલિઝ થશે ગુજરાતી વેબ સિરીઝ ‘મોહ માયા મશીન’

વર્ષ 2021માં પ્રતીક ગાંધીની 'વિઠ્ઠલ તિડી', હિતેન કુમાર સ્ટરાર ‘ધુંઆધાર’ અને વિજયગીરી બાવાની ફિલ્મ '21મું ટિફિન'ની ભવ્ય સફળતા બાદ વર્ષ 2022ની શરૂઆત પણ ગુજરાતી ઇન્ડસ્ટ્રી માટે સારી રહેશે. ઘણા જાણીતા કલાકારો ફરી એકવાર દર્શકોનું મનોરંજન કરવા આવી રહ્યાં છે.

હિતેન કુમાર સ્ટારર વેબ સિરીઝ ‘મોહ માયા મશીન’ આજે રાત્રે 12 વાગે ઓહો! ગુજરાતી OTT પ્લેટફોર્મ પર રીલિઝ થશે. તાજેતરમાં આ વેબ સિરીઝનું ટીઝર સોશિયલ મીડિયામાં ધૂમ મચાવી રહ્યું છે. આ વેબ સિરીઝને ડિરેક્ટ કરી છે કેવલ મિસ્ત્રી અને અજિતસિંહ રાઠોડ, સાહિલ ગડા અને સની શર્મા. જેના રાઇટર કેયુ શાહ છે. અને પ્રોડ્યુસર તરીકે અભિષેક જૈન, નયન જૈન અને અમિત દેસાઇ, સૂર્યદિપ બનીયા. આ વેબ સિરીઝમાં હિતેન કુમારની સાથે હેમાંગ વ્યાસ, કૌસાંબી ભટ્ટ, વિશાલ શાહ, રાગી જાની, પ્રેમ ગઢવી અને અનેક જાણીતા ગુજરાતી કલાકારોનો દમદાર અભિનય જોવા મળશે.

શેમારૂ ગુજરાતી મીડિયા પ્લેટફોર્મ પર ‘યમરાજ કોલિંગ’ વેબ સિરીઝને દર્શકોનાં મળેલા ભવ્ય પ્રતિસાદ બાદ ‘યમરાજ કોલિંગ – 2’ ફરી એકવાર જોવા મળશે.

તાજેતરમાં શેમારૂ ગુજરાતી પર ‘ગોટી સોડા’ ટીઝર રીલિઝ થયું છે. જાણીતા કોમેડી આર્ટિસ્ટ સંજય ગોરડિયા. આ વેબ સિરીઝમાં અન્ય જાણીતા ગુજરાતી કલાકારો - ભાવિની જાની, પ્રથમ ભટ્ટ, ચેતન દહિયા, મમતા સોની, પાર્થિ ધોળકિયા દર્શકોનું મનોરંજન કરશે.