માવઠાથી થયેલ પાકના નુકશાન માટે સર્વે શરૂ કરાયો

મહેસાણા (Mehsana) જિલ્લામાં પડેલ બે દિવસ કમોસમી વરસાદથી જિલ્લામાં શિયાળુ પાકને નુકશાન પહોંચ્યું છે. મહેસાણા જિલ્લા ખેતી વિભાગ દ્વારા તેનું સર્વે કરી યોગ્ય દિશામાં ખેડૂતો ને માવઠાથી નુક્શાનનું વળતરની પ્રક્રિયા હાથ ધરવામાં આવશે.

જગતનો તાત હંમેશા ખેતીમાં પોતાનો જીવ લગાવી દેતો હોય છે. ખેડૂત પોતાના પરિવારની તો દેખરેખ રાખે છે સાથે પોતાના ખેતરમાં વાવેલ પાકની પણ લોહી રેડી મહેનત કરી મબલક ઉત્પાદન માટે છેક સુધી મહેનત કરતો હોય છે. પરંતુ ખેડૂત ની મહેનત ઉપર તંત્ર કે કુદરત કૃપાયમાન થાય છે ત્યારે ખેડૂત ભારે નુકશાન વેઠવા માટે લાચાર થઈ ઉભો રહે છવા. પણ હિંમત હરતો નથી નિરાશા મળી હોવા છતાં ફરી વાર ઉભો થઇ એજ રીતે મહેનત નવેસરથી આરંભી દેતો હોય છે. અને તંત્ર પાસે જો કોઈ મદદ મળી જાય તો સારું એવી ભાવના રાખતો હોય છે.

 મહેસાણા જિલ્લા સહિત ઉત્તર ગુજરાત માં છેલ્લા બે દિવસમાં થયેલ માવઠાથી પાક ને નુકશાનનો સર્વે શરૂ કરાયો છે. મહેસાણા જિલ્લા ખેતીવાડી અધિકારી ભાવેશ જોષીના જણાવ્યા અનુસાર મહેસાણા જિલ્લામાં છેલ્લા બે દિવસમાં પડેલા કમોસમી વરસાદ ને કારણે જો ક્યાંય ખેતરોમાં પાણી ભરાયાં હોય કે પાક ને નુકશાન થયું હોય તો તેની સ્થળ તપાસ માટે વિસ્તરણ અધિકારીઓ ને રૂબરૂ તપાસ માટે સૂચના આપવામાં આવી છે. હજુ સુધી મહેસાણા જિલ્લામાં કેટલું પાકને નુકશાન થયું એના ચોક્કસ આંકડા આવ્યા નથી. જેથી ખેડૂતો ને પણ વિનંતી કરવામાં આવી છે કે, જો પોતાના ખેતરોમાં નુકશાન થયું હોય તો જે તે નુકશાન ની વિગતો અંગે ખેતીવાડી કચેરી એ જાણ કરવા જણાવાયું છે. મહેસાણા જિલ્લામાં ઘઉં, રાયડો સહિત ઘાસચારા ને થોડે ઘણે અંશે નુકશાન થયું છે. 

તંત્ર દ્વારા હાલમાં સર્વે તો હાથ ધરાયુ છે પણ તેનું યોગ્ય સર્વે થાય અને છેવાડા જગતના તાતને થેયેલ નુક્શાનનું યોગ્ય વળતર મળે તે પણ એટલું જ જરૂરી છે.

આ પણ વાંચો--સિવિલ હોસ્પિટલમાં ૧૫મો વાર્ષિક 'બ્લેડર એક્સસ્ટ્રોફી- એપિસ્પેડિયાસ સાત દિવસીય વર્કશોપ' સંપન્ન