બટેટા પૌંઆમાં દારુ છુપાવી જઇ રહેલા યુવક યુવતી ઝડપાયા

ઊના (Una)ના એહમદપુર માંડવી ચેક પોસ્ટે દિવથી આવતી ઇકો કારને પોલીસે રોકાવી અંદર તલાસી લેતા કારની અંદર તપેલામાં નાસ્તા બટેટા પૌંઆમાં વચ્ચે વિદેશી દારૂની બોટલો તેમજ બેગમાં બોટલોના જથ્થા સાથે પોલીસે યુવક યુવતીને ઝડપી લીધા હતા.  એસ એસ ન્યુઝ ચેનલનું બુમ, મોબાઇલ, તેમજ કાર સહીત પત્રકાર યુવતી તેમજ શખ્સને પોલીસે મુદામાલ સાથે પકડી પાડી તપાસ શરુ કરી હતી.

અહેમદપુર માંડવી ચેક પોસ્ટ પાસે પોલીસે  કારમાં નાસ્તાના ભરેલા તપેલાની અંદર દારૂનો જથ્થો છુપાવીને પત્રકાર હોવાનો રોફ જમાવતી એક યુવક-યુવતીને વિદેશી દારૂની નં.૬૭ બોટલો તેમજ કાર સહિતના દોઢ લાખથી વધુનો મુદામાલ સાથે ઝડપી લીધા હતા. મકરસંક્રાંતિ તહેવાર નામે બાળકોને નિયમિત નાસ્તો પતંગ, દોરા, દાન, કરવા નિકળેલા બની બેઠેલાં પત્રકાર કાજલ વિનુ બારૈયા તથા જગદીશ વાઘજી મકવાણા દિવ વિસ્તારમાંથી બાળકો માટે નાસ્તાનાં તપેલા ભરી તેનાં વચ્ચે ઈંગ્લીશ દારૂનો જથ્થો જુદી જુદી બોટલ સંતાડીને નિકળતાં એહમપુર માંડવી ચેક પોસ્ટે પોલીસ કાર રોકાવી કારની તપાસ કરી હતી. યુવતીએ તે સમયે પોતે પત્રકાર હોવાનો રોફ જમાવ્યો હતો અને તહેવાર નિમિત્તે દાન કરતા હોવાનો દેખાવ કર્યો હતો. 

જો કે પોલીસે નાસ્તાનાં તપેલામાં બટેટા પૌંઆ હોવાથી તેમાં ચેક કરતા નીચે છુપાવેલા દારૂની બોટલો તથા  એસ એસ ૨૪ યુન્ઝ મીડિયાના થેલામાં પણ દારૂની બોટલોનો જથ્થો કબજે કર્યો હતો. પોલીસે એસ એસ ન્યુઝ ચેનલનું બુમ, મોબાઇલ, તેમજ કાર સહીત પત્રકાર યુવતી અને યુવકની સામે ગુનો નોંધી તપાસ આદરી હતી. 

આ પણ વાંચો--રાજકોટના કુવાડવા પોલીસ સ્ટેશનના PI સસ્પેન્ડ