અમરેલી યુથ કોંગ્રેસનો અનોખો વિરોધ: ભરતી પરીક્ષાનું યોજ્યું બેસણું

શુક્રવારે અમરેલી જિલ્લા યુથ કોંગ્રેસના કાર્યકર્તાઓએ ભરતી પરીક્ષાનું બેસણું યોજી સરકારને સદબુદ્ધિ આવે તે માટે પ્રાર્થના પણ કરી હતી. અમરેલી જિલ્લામા યુથ કોંગ્રેસે જિલ્લા મધ્યસ્થ કોંગ્રેસ કાર્યાલય ખાતે મોટી સંખ્યામા યુથ કોંગ્રેસના હોદેદારો અને યુવકો એકઠા થયાં હતાં. કાર્યકરોએ અમરેલી જિલ્લા કોંગ્રેસ કાર્યાલય ખાતે પરીક્ષાના બેસણાનો કાર્યક્રમ યોજી અંતમા 2 મિનિટનું મૌન પાળી અને રાજય સરકારને ભગવાન સદબુદ્ધિ આપે તેવી પ્રાર્થના સાથે સુત્રોચાર પણ કર્યા હતાં.