આર્થિક સંકટથી પીડિત પાકિસ્તાન, મંત્રીઓ અને અધિકારીઓના પગાર અને ભથ્થાંમાં કાપ મૂકીને 200 અબજ રૂપિયા બચાવશે.
ગંભીર આર્થિક સંકટનો સામનો કરી રહેલા પાકિસ્તાને (Pakistan) હવે મંત્રીઓ અને અધિકારીઓના પગાર અને ભથ્થામાં કાપની જાહેરાત કરી છે. શાહબાઝ સરકાર આ કાપ દ્વારા વાર્ષિક રૂ. 200 અબજ બચાવવાની યોજના ધરાવે છે. ખુદ વડાપ્રધાન શાહબાઝ શરીફે (Shahbaz Sharif) આની જાહેરાત કરી હતી.મંત્રીઓએ પોતાના વીજળી, ગેસ અને પાણીના બિલો જાતે ભરવા પડશેબુધવારે ઈસ્લામાબાદમાં ફેડરલ કેબિનેટની બેઠક બાદ પ્રેસ સાથે વાત કરતા શેહબાઝે કહ્ય
03:55 AM Feb 23, 2023 IST
|
Vipul Pandya
ગંભીર આર્થિક સંકટનો સામનો કરી રહેલા પાકિસ્તાને (Pakistan) હવે મંત્રીઓ અને અધિકારીઓના પગાર અને ભથ્થામાં કાપની જાહેરાત કરી છે. શાહબાઝ સરકાર આ કાપ દ્વારા વાર્ષિક રૂ. 200 અબજ બચાવવાની યોજના ધરાવે છે. ખુદ વડાપ્રધાન શાહબાઝ શરીફે (Shahbaz Sharif) આની જાહેરાત કરી હતી.
મંત્રીઓએ પોતાના વીજળી, ગેસ અને પાણીના બિલો જાતે ભરવા પડશે
બુધવારે ઈસ્લામાબાદમાં ફેડરલ કેબિનેટની બેઠક બાદ પ્રેસ સાથે વાત કરતા શેહબાઝે કહ્યું કે, હવે તમામ ફેડરલ મંત્રીઓએ પોતાના વીજળી, ગેસ અને પાણીના બિલો જાતે ભરવા પડશે. શાહબાઝે ભારપૂર્વક જણાવ્યું હતું કે, વધતી જતી મોંઘવારી અને દેવા સહિત દેશના આર્થિક પડકારોનો સામનો કરવા માટે આ પગલાં જરૂરી હતા. તેમણે કહ્યું કે સરકાર આર્થિક સ્થિરતા પુનઃસ્થાપિત કરવા માટે પ્રતિબદ્ધ છે.
કેબિનેટની બેઠકમાં લેવાયેલા નિર્ણયોની જાહેરાત
વડા પ્રધાન શહેબાઝ શરીફે કેબિનેટની બેઠકમાં લેવાયેલા નિર્ણયોની જાહેરાત કરી હતી. વિગતવાર ચર્ચા કર્યા પછી, બેઠકમાં સત્તાવાર ખર્ચ ઘટાડવાના પગલાંને મંજૂરી આપવામાં આવી હતી. "કેબિનેટના તમામ સભ્યો અને સલાહકારોએ સ્વૈચ્છિક રીતે નિર્ણય લીધો છે કે તેઓ તિજોરીમાંથી પગાર અથવા અન્ય કોઈ લાભ નહીં મેળવશે અને તેમના ખર્ચનું બિલ ચૂકવશે." તેમણે કહ્યું કે કેબિનેટના સભ્યો 'લક્ઝરી' કારનો ઉપયોગ નહીં કરે અને એરક્રાફ્ટમાં 'ઈકોનોમી' ક્લાસમાં મુસાફરી કરશે અને વિદેશમાં મુસાફરી કરતી વખતે ફાઈવ સ્ટાર હોટલમાં રોકાશે નહીં. આ તમામ સરકારી અધિકારીઓને પણ લાગુ પડશે.
દરેક વિભાગના વર્તમાન ખર્ચમાં 15 ટકાનો ઘટાડો
વડાપ્રધાને એવી પણ જાહેરાત કરી હતી કે ફેડરલ સરકારના દરેક વિભાગના વર્તમાન ખર્ચમાં 15 ટકાનો ઘટાડો કરવામાં આવશે અને પ્રાંતોને અનુકરણ કરવા અને ખર્ચમાં કાપ મૂકવા જણાવ્યું હતું. તેમણે કેબિનેટના સભ્યો દ્વારા 'લક્ઝરી' કારના ઉપયોગ પર પણ પ્રતિબંધ મૂક્યો હતો. તેમણે જૂન 2024 સુધી નવી કાર સહિત 'લક્ઝરી' વસ્તુઓની ખરીદી પર પણ પ્રતિબંધ મૂક્યો હતો. અન્ય પગલાંઓમાં ઉનાળાની ઋતુ દરમિયાન સવારે 7:30 વાગ્યે સરકારી કચેરીઓ ખોલવી અને સરકારી કાર્યક્રમોમાં વન-ડિશ નીતિનો સમાવેશ થાય છે. આ નીતિ વિદેશી મહેમાનો માટે આયોજિત કાર્યક્રમો પર લાગુ થશે નહીં.
IMF ફંડ માટે વાતચીત અંતિમ તબક્કામાં
વિદેશી ચૂકવણીમાં ડિફોલ્ટિંગ ટાળવા માટે $7 બિલિયન લોન પેકેજના ભાગ રૂપે IMF પાસેથી $1.1 બિલિયન મેળવવા માટે પાકિસ્તાને ઝૂકીને આ પગલાં લીધાં છે. વડાપ્રધાન શાહબાઝે કહ્યું કે IMF ફંડ માટે વાતચીત અંતિમ તબક્કામાં છે અને એવી અપેક્ષા છે કે સમજૂતી પર પહોંચવા માટે થોડા દિવસોમાં મુદ્દાઓ ઉકેલાઈ જશે.
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ
Next Article