13 કરોડ કિમી દુર હોવા છતાં શુક્ર અને શનિ ગ્રહ આજે દેખાશે એક સાથે

આજે સાંજે, તમે આકાશમાં એક દુર્લભ ઘટનાના સાક્ષી બની શકો છો. શનિ ( Saturn) અને શુક્ર (Venus) ગ્રહ આજે તમને એકસાથે દેખાશે. ભલે આપણે આ ગ્રહોને પૃથ્વી પરથી એકસાથે જોઈ શકીએ છીએ, પરંતુ વાસ્તવમાં આ બંને એકબીજાથી 13 કરોડ કિલોમીટરથી વધુ દૂર છે. .

રવિવાર 22 જાન્યુઆરીની સાંજે, શનિ અને શુક્ર ગ્રહો એકબીજાની ખૂબ નજીક આવવાના છે. બંને ગ્રહો એકબીજાથી 13 કરોડ કિલોમીટરથી વધુ દૂર છે, તેથી તેમની અથડામણની કોઈ શક્યતા નથી. પરંતુ તેમની ભ્રમણકક્ષા એવી છે કે તેઓ પૃથ્વીથી એકબીજાની ખૂબ નજીક દેખાશે.

શનિ અને શુક્ર એકબીજાની આટલી નજીક આવે છે તેને સંયોગ કહેવાય છે. શુક્ર એ સૂર્યનો બીજો ગ્રહ છે, જ્યારે શનિ આપણા સૌરમંડળનો બીજો સૌથી મોટો ગ્રહ છે.

જો તમે આ ગ્રહોને ઘરે બેઠા જોવા માંગતા હોવ તો તમને જણાવી દઈએ કે વર્ચ્યુઅલ ટેલિસ્કોપ પ્રોજેક્ટ તેનું લાઈવ સ્ટ્રીમિંગ કરી રહ્યું છે. લાઇવસ્ટ્રીમ ત્યારે શરૂ થશે જ્યારે બે ગ્રહો અડધા ડિગ્રીથી ઓછા અંતરે હશે. વર્ચ્યુઅલ ટેલિસ્કોપ પ્રોજેક્ટની વેબસાઈટ અને યુટ્યુબ ચેનલ પર જોઇ શકાશે.નવી દિલ્હીથી, આ બંને ગ્રહો દક્ષિણ-પશ્ચિમ ક્ષિતિજથી 16 ડિગ્રી ઉપર,  18:07 (IST) આસપાસ જોઈ શકાય છે. આ તે સમય છે જ્યારે સાંજ પડે છે અને અંધારું થઈ જાય છે. પછી તેઓ ક્ષિતિજ તરફ ડૂબી જશે.

જો કે શનિ અને શુક્ર બંનેને રાત્રે ખુલ્લી આંખે જોઈ શકાય છે, પરંતુ બંનેના તેજમાં ઘણો તફાવત છે. સૂર્ય અને ચંદ્ર પછી, શુક્ર આકાશગંગાનો સૌથી તેજસ્વી ગ્રહ છે. આ સંયોગ દરમિયાન શુક્ર -3.9 પર અને શનિ 0.7 તીવ્રતા પર રહેશે. આકાશમાં તેજસ્વી વસ્તુઓ નેગેટીવ નંબર સાથે બતાવવામાં આવે છે. આનો અર્થ એ છે કે આ જોડાણ દરમિયાન શનિ ગ્રહ શુક્ર કરતાં લગભગ 100 ગણો મંદ હશે. 

આ જોડાણ દરમિયાન, બંને ગ્રહ એટલા નજીક હશે કે સ્કાય વોચર્સ તેમને દૂરબીન અથવા કોઈપણ સાધન વિના સરળતાથી જોઈ શકશે. જો કે, શનિને જોવું એટલું સરળ નહીં હોય. વૈજ્ઞાનિકોનું માનવું છે કે આ નજારો ત્યારે જ જોઈ શકાય છે જ્યારે હવામાન સહિત તમામ સ્થિતિ તેના માટે અનુકૂળ હોય. શનિવારે અમાસ હતી અને અમાસના બીજા દિવસે  ચંદ્ર અર્ધચંદ્રાકાર બને છે અને તેનું તેજ માત્ર 2% હોય છે.

આ પણ વાંચો--આફતાબને સજા અપાવવા દિલ્હી પોલીસે તૈયાર કરી 3 હજાર પાનાની ચાર્જશીટ