રાષ્ટ્રપતિની ચૂંટણીમાં 17 વિપક્ષી સાંસદોએ ક્રોસ વોટિંગ કર્યું, ભાજપનો દાવો

NDAના રાષ્ટ્રપતિ પદના ઉમેદવાર
દ્રૌપદી મૂર્મુની જીત નક્કી થઈ ગઈ છે. ભાજપ અને પૂર્વ કેન્દ્રીય મંત્રી રવિશંકર
પ્રસાદે તેમને અગાઉથી શુભેચ્છાઓ પાઠવી હતી. ભાજપે દાવો કર્યો છે કે 17 વિપક્ષી સાંસદોએ પણ ક્રોસ વોટિંગ
કર્યું છે અને દ્રૌપદી મૂર્મુને વોટ આપ્યો છે. ભાજપનું કહેવું છે કે દ્રૌપદી મૂર્મુને 540 સાંસદોના વોટ મળ્યા છે.

ભાજપનું કહેવું છે કે
રાષ્ટ્રપતિની ચૂંટણીથી જ વિપક્ષનું વિભાજન સામે આવ્યું છે. બીજી તરફ રાષ્ટ્રપતિની
ચૂંટણીમાં આગળ ચાલી રહેલી મમતા બેનર્જીએ પણ જાહેરાત કરી છે કે તેમની પાર્ટી
ઉપરાષ્ટ્રપતિની ચૂંટણીમાં ભાગ નહીં લે. તેમનું કહેવું છે કે ઉપરાષ્ટ્રપતિ પદના
ઉમેદવાર નક્કી કરતા પહેલા તેમને પૂછવામાં આવ્યું ન હતું. તે જ સમયે, આ અંગે આમ આદમી પાર્ટીનું સ્ટેન્ડ
પણ સ્પષ્ટ નથી. જ્યારે વિપક્ષો 2024માં એકત્ર
થઈને ભાજપ સામે લડવાની યોજના બનાવી રહ્યા હતા, ત્યારે રાષ્ટ્રપતિ અને ઉપરાષ્ટ્રપતિની ચૂંટણીમાં આ વિભાજન કોઈ
આંચકાથી ઓછું નથી.

જણાવી દઈએ કે મતગણતરીના પહેલા
તબક્કામાં દ્રૌપદી મૂર્મુને 540 વોટ મળ્યા
જ્યારે યશવંત સિંહાને 208 વોટ મળ્યા. મૂર્મુને મળેલા
મતોનું મૂલ્ય 3,78,000 અને યશવંત સિંહાના મતનું મૂલ્ય 1,45,000 છે. આ તબક્કામાં પણ 15 મત અમાન્ય જણાયા હતા. જણાવી દઈએ
કે બંને ગૃહોમાં મળીને સાંસદોના 780 વોટ હતા, જેમાંથી 13 સાંસદોએ વોટિંગમાં ભાગ લીધો ન
હતો.

ગુજરાતમાં એનસીપીના ધારાસભ્ય
કાંધલ એસ જાડેજાએ કહ્યું હતું કે તેઓ દ્રૌપદી મુર્મુને તેમના અંતરાત્માની વાત
સાંભળીને સમર્થન કરશે. જ્યારે તેમની પાર્ટી એનસીપી યશવંત સિંહાની તરફેણમાં હતી.
ગુજરાતમાં ભારતીય ટ્રાઈબલ પાર્ટીના નેતા છોટુભાઈ વાસ્પાએ પણ ક્રોસ વોટિંગ કર્યું
હતું. અખિલેશ યાદવના કાકા શિવપાલે ખુલ્લેઆમ દ્રૌપદી મુર્મુને મત આપ્યો. તેમના
બરેલીના ધારાસભ્ય શાહજીલ ઈસ્લામે પણ ખુલ્લેઆમ ક્રોસ વોટિંગ કર્યું હતું.
હરિયાણામાં કોંગ્રેસના ધારાસભ્ય કુલદીપ બિશ્નોઈએ દ્રૌપદી મૂર્મુને વોટ આપ્યો હતો.