આજથી દેશમાં 5-G સેવા શરુ થશે, PM MODI કરાવશે શરુઆત
વડાપ્રધાનશ્રી નરેન્દ્ર મોદી (Narendra Modi) આજે સવારે 10 વાગ્યે નવી દિલ્હીના પ્રગતિ મેદાન ખાતે 5G સેવાઓ શરૂ કરશે. ભારત (India) માટે આ એક ખાસ ક્ષણ હશે અને દેશ ટેકનોલોજી (Technology)ના નવા યુગમાં પ્રવેશ કરશે. ઈન્ડિયન મોબાઈલ કોન્ફરન્સનું ઉદ્ધાટનઆ લોન્ચ ઈન્ડિયન મોબાઈલ કોન્ફરન્સ (IMC)ની છઠ્ઠી આવૃત્તિમાં થશે, જેનું ઉદ્ઘાટન વડાપ્રધાન નરેન્દ્ર મોદી કરશે. આ વખતે IMC 2022 નું આયોજન આજથી 4 ઓક્ટોબર સુધી કરવામાં આવશે અને à
Advertisement
વડાપ્રધાનશ્રી નરેન્દ્ર મોદી (Narendra Modi) આજે સવારે 10 વાગ્યે નવી દિલ્હીના પ્રગતિ મેદાન ખાતે 5G સેવાઓ શરૂ કરશે. ભારત (India) માટે આ એક ખાસ ક્ષણ હશે અને દેશ ટેકનોલોજી (Technology)ના નવા યુગમાં પ્રવેશ કરશે.
ઈન્ડિયન મોબાઈલ કોન્ફરન્સનું ઉદ્ધાટન
આ લોન્ચ ઈન્ડિયન મોબાઈલ કોન્ફરન્સ (IMC)ની છઠ્ઠી આવૃત્તિમાં થશે, જેનું ઉદ્ઘાટન વડાપ્રધાન નરેન્દ્ર મોદી કરશે. આ વખતે IMC 2022 નું આયોજન આજથી 4 ઓક્ટોબર સુધી કરવામાં આવશે અને તેની થીમ "ન્યુ ડિજિટલ યુનિવર્સ" હશે.
4G કરતાં લગભગ 10 ગણી ઝડપી સ્પીડ મળશે
પાંચમી પેઢી એટલે કે 5G ટેલિકોમ્યુનિકેશન સેવાઓ સેકન્ડમાં મોબાઇલ અને અન્ય ઉપકરણો પર ઉચ્ચ ગુણવત્તાવાળા લાંબા-ગાળાના વિડિયો અથવા મૂવી ડાઉનલોડ કરી શકાશે. તે એક ચોરસ કિલોમીટરમાં લગભગ એક લાખ કોમ્યુનિકેશન ડિવાઇસને સપોર્ટ કરશે. સેવા સુપરફાસ્ટ સ્પીડ (4G કરતાં લગભગ 10 ગણી ઝડપી), કનેક્ટિવિટી વિલંબમાં ઘટાડો અને અબજો કનેક્ટેડ ઉપકરણો પર રીઅલ-ટાઇમ ડેટા શેરિંગને સક્ષમ કરે છે. તે 3D હોલોગ્રામ કૉલિંગ, મેટાવર્સ અનુભવ અને શૈક્ષણિક એપ્લિકેશનને ફરીથી વ્યાખ્યાયિત કરી શકે છે.
સમગ્ર કાર્યક્રમનું શેડ્યૂલ
PM મોદી સવારે 10 વાગ્યે પ્રગતિ મેદાન પહોંચશે અને ઈન્ડિયન મોબાઈલ કન્વેન્શનના પ્રદર્શનનું ઉદ્ધાટન કરશે. ત્યારબાદ PM સવારે 10:44 વાગ્યે ઈન્ડિયન મોબાઈલ કોન્ફરન્સ-2022નું ઉદ્ઘાટન કરશે અને રિમોટ બટન દબાવીને 5G સેવાઓ શરૂ કરશે. Jio યુઝ કેસમાં PM મહારાષ્ટ્રના રાયગઢમાં જ્ઞાનજ્યોતિ સાવિત્રીબાઈ પબ્લિક સ્કૂલના બાળકો સાથે વાત કરશે જેમાં મહારાષ્ટ્રના સીએમ પણ હાજર રહેશે. ઉપરાંત પીએમ ગુજરાતના ગાંધીનગરમાં રોપડા પ્રાથમિક શાળાના બાળકો સાથે વાત કરશે જેમાં ગુજરાતના સીએમ હાજર રહેશે. PM ઓડિશાની મયુરભંજ SLS મેમોરિયલ સ્કૂલના બાળકો સાથે વાત કરશે. જેમાં ઓડિશાના સીએમ વર્ચ્યુઅલ રીતે જોડાશે.
વોડાફોન-આઈડિયા ઉપયોગ કેસમાં પીએમ દિલ્હી મેટ્રો ટનલ દ્વારકાના કાર્યકર રિંકુ સાથે વાત કરશે જેમાં દિલ્હીના એલજી હાજર રહેશે. ઉપરાંત ભારતી એરટેલ યુઝ કેસમાં પીએમ મોદી યુપીની વિદ્યાર્થી ખુશી સાથે હોલોગ્રામ દ્વારા વાત કરશે. સીએમ યોગી વારાણસીના રૂદ્રાક્ષ કન્વેન્શન સેન્ટરમાં પણ હાજર રહેશે. PM નરેન્દ્ર મોદીનું સંબોધન સવારે 11.10 વાગ્યે શરૂ થશે.
IMC ઇવેન્ટ શું છે
આ કોન્ફરન્સ વિવિધ પ્રેઝન્ટેશન્સ અને ડિજિટલ ટેક્નોલોજીના ઝડપથી અપનાવવા, તેના પ્રસારથી ઉદ્ભવતી અનન્ય તકો, અગ્રણી વિચારકો, ઉદ્યોગસાહસિકો, સંશોધકો અને સરકારી અધિકારીઓને સાથે લાવવા પર ચર્ચાઓ માટે એક સામાન્ય પ્લેટફોર્મ પૂરું પાડશે.
5G સાથે ભારત કેવી રીતે બદલાશે
ભારત પર 5Gની કુલ આર્થિક અસર 2035 સુધીમાં US$ 450 બિલિયન સુધી રહેવાનો અંદાજ છે. 4G ની તુલનામાં, 5G નેટવર્ક અનેક ગણી ઝડપી ગતિ આપે છે અને મુશ્કેલી-મુક્ત કનેક્ટિવિટી પ્રદાન કરે છે. તે અબજો કનેક્ટેડ ઉપકરણોને વાસ્તવિક સમયમાં ડેટા શેર કરવા માટે પણ સક્ષમ કરે છે.
1.5 લાખ કરોડ રુપિયાની બિડ મળી
દેશની અત્યાર સુધીની સૌથી મોટી ટેલિકોમ સ્પેક્ટ્રમની હરાજીમાં 1.5 લાખ કરોડ રૂપિયાની વિક્રમી બિડ મળી હતી. જેમાં ઉદ્યોગપતિ મુકેશ અંબાણીની Jio એ 87,946.93 કરોડ રૂપિયાની બિડ સાથે વેચાયેલા તમામ સ્પેક્ટ્રમમાંથી લગભગ અડધો ભાગ હસ્તગત કરી લીધો છે.
ભારતના સૌથી ધનિક વ્યક્તિ ગૌતમ અદાણીના જૂથે 400 MHz માટે 211.86 કરોડ રૂપિયાની બોલી લગાવી હતી. જો કે, તેનો ઉપયોગ જાહેર ટેલિફોન સેવાઓ માટે થતો નથી. ટેલિકોમ દિગ્ગજ સુનીલ ભારતી મિત્તલની ભારતી એરટેલે રૂ. 43,039.63 કરોડની સફળ બિડ કરી હતી, જ્યારે વોડાફોન-આઇડિયાએ રૂ. 18,786.25 કરોડમાં સ્પેક્ટ્રમ ખરીદ્યું હતું.
લોકોનું જીવન બદલાશે
ટેલિકોમ કંપનીઓ દ્વારા ઝડપથી 5જી સેવા ચાલુ કરવાની તૈયારીઓમાં જોડાઇ જશે જેથી ભારત આવનારા સમયમાં વધુ સારી ડેટા સ્પીડ અને વિક્ષેપ-મુક્ત વિડિયો માટે તૈયાર થઈ રહ્યું છે. આ સેવાઓના આગમન પછી, લોકોને સ્માર્ટ એમ્બ્યુલન્સથી લઈને ક્લાઉડ ગેમિંગ સુધી બધું જ મળશે. ગ્રાહકો પણ તેમની ખરીદી દરમિયાન સંપૂર્ણપણે નવા અનુભવો મેળવી શકે છે.