મોરબી જિલ્લામાં ઘરફોડ ચોરીને અંજામ આપતી રીઢા ચોરોની ગેંગ ઝડપી

મોરબી જિલ્લાના હળવદ તથા ટંકારા તાલુકામાં ઘરફોડ ચોરી કરતી રીઢા ચોરોની ટોળકીથી આતંક ફેલાયો હતો. હળવદ તથા ટંકારામાં કુલ ચાર ઘરફોડ ચોરીને અંજામ આપનાર ટોળકીને પકડી પાડવા પોલીસ તથા વિવિધ એજન્સી એક્ટિવ થઇ હતી ત્યારે મોરબી એલસીબી એ બાતમીદારો અને ટેકનીકલ સર્વેલન્સના આધારે આંઠ શખ્સોને પકડી પાડી 4 ધરફોડ ચોરીના ગુન્હાનો ભેદ ઉકેલી નાખ્યો છે. 

મળતી માહિતી અનુસાર, હળવદ તથા ટંકારા પોલીસ સ્ટેશન વિસ્તારમાં છેલ્લા ઘણા સમયથી ઘરફોડ ચોરીના બનાવોએ માજા મૂકી હતી. જેથી પોલીસે આ ઘરફોડ ચોરીને અંજામ આપતા ચોરોની ટોળકીને પકડી પાડવા બાતમીદારો તથા વિવિધ એજન્સીઓને દોડતા કર્યા હતા. ત્યારે ટંકારા પોલીસની ટીમે બાતમીના આધારે આ ટોળકીના આઠ શખ્સોને પકડી પાડવામાં સફળતા મેળવી છે

- આ શખ્સોને પકડી પાડી કોરોના ટેસ્ટ કરવા સહિતની કાર્યવાહી હાથ ધરી હતી.

પોલીસે આરોપીઓની પ્રાથમિક પૂછપરછ કરતા તેમણે જણાવ્યું હતું કે, વિરેન વિજયભાઇ રાઠોડ તથા દિનેશભાઇ તેજાભાઇ મેડાએ આ રીઢા ચોરોની ટોળકી બનાવી હતી. અને તેઓ જ લીડર શીપ કરી બાકીનાઓને અંગત આર્થીક ફાયદા માટે ઘરફોડ ચોરીના ગુનાઓ આચરવા સમાન પૂરું પાડતા હતા. આરોપીઓએ હળવદ તથા ટંકારા વિસ્તારમાં અલગ અલગ તારીખ અને સમયે વિવિધ ચાર દુકાનો/ ગોડાઉન, મંદિરમાં ઘરફોડ ચોરી કરી હતી. જેમાં તેઓ  અનઅધિકૃત રીતે દુકાન/ ગોડાઉનના શર્ટર ઉચા કરી તથા તાળા નકૂચા તોડી અંદર પ્રવેશ કરી ઘરફોડ ચોરીના ગુનાઓ આચરતા જેમાં તેઓએ અત્યારસુધીમાં કુલ રૂ. 13,65,900ની માલ મત્તા મેળવી હતી. જે પોલીસે કબ્જે કરી આગળની કાર્યવાહી હાથ ધરી છે.

આ પણ વાંચો - લોભિયા હોય ત્યાં ઘુતારા ભૂખ્યા ના મરે! નાણાં રોકાવી ઊંચું વળતર આપવાની લાલચ આપી છેતરપીંડી આચરતો શખ્સ ઝડપાયો