આઝાદી કા અમૃત મહોત્સવમાં આત્મીય ગ્રીન સ્કૂલની અનોખી પહેલ

553 વિદ્યાર્થીઓને તિરંગા અર્પણ કરી 15મી ઓગસ્ટે પોતાના ઘરે પરિવાર સાથે તિરંગો લહેરાવી ફોટો અને વિડીયો મોકલનાને પ્રોત્સાહન ઇનામ અપાશે. આઝાદીના અમૃત મહોત્સવ નિમિત્તે હર ઘર તિરંગા કાર્યક્રમ અંતર્ગત ઝાડેશ્વરની આત્મીય ગ્રીન સ્કુલ ખાતે વિધાર્થીઓને તિરંગા વિતરણ કરાયું હતું. શાળાના વિદ્યાર્થીઓ પોતાના ઘરે હર ઘર તિરંગાને સાર્થક કરે તે માટે પોતાના માતા પિતા સાથે ઘર નજીક તિરંગો લગાવી તેનો 10 સેકન્ડનો વીડિયો અને ફોટા શાળામાં  મોકલવાનો રહેશે. વિદ્યાર્થીઓને દેશભક્તિના ગુણો પ્રોત્સાહિત કરવા માટે સારા વીડિયોને ઇનામ એનાયત કરવામાં આવશે. સાથે જ સન્માન પત્ર પણ આપવમાં આવશે.