પુષ્પા બાદ શ્રેયસ તલપડે જોવા મળશે અટલ બિહારી વાજપેયી તરીકે, 'ઇમરજન્સી'નો ફર્સ્ટ લૂક રિલીઝ

અભિનેતા શ્રેયસ તલપડે કંગના રનૌતની ફિલ્મ ઈમરજન્સીમાં પૂર્વ વડાપ્રધાન અટલ બિહારી વાજપેયીની ભૂમિકા ભજવતો જોવા મળશે. અગાઉ શ્રેય તલપડેએ પુષ્પા ફિલ્મમાં અલ્લુ અર્જુનના અવાજને હિન્દીમાં ડબ કરીને ઘણી હેડલાઇન્સ બનાવી હતી. ફિલ્મમાં કંગના રનૌત પૂર્વ વડાપ્રધાન ઈન્દિરા ગાંધીનું પાત્ર ભજવી રહી છે જ્યારે અનુપમ ખેર જયપ્રકાશ નારાયણની ભૂમિકા ભજવશે. આ ફિલ્મમાં કંગના રનૌત ન માત્ર લીડ એક્ટ્રેસ છે, પરંતુ તે આ ફિલ્મને ડિરેક્ટ પણ કરી રહી છે. કંગના રનૌતે કહ્યું કે, "તે અટલ બિહારી વાજપેયીની ભૂમિકા ભજવી રહ્યો છે જેઓ જ્યારે ઇન્દિરા ગાંધી પ્રથમ વખત વડાપ્રધાન બન્યા ત્યારે યુવા નેતા હતા."

શ્રેયસ તલપડેએ બુધવારે એક સોશિયલ મીડિયા પોસ્ટ શેર કરી હતી જેમાં તેના ચાહકોને ફિલ્મનો હિસ્સો હોવા અંગે માહિતી આપવામાં આવી હતી. ફિલ્મનું પોતાનું પોસ્ટર શેર કરતાં શ્રેયસ તલપડેએ લખ્યું, “ભારત રત્ન અટલ બિહારી વાજપેયી જીનું પાત્ર ભજવીને ગર્વ અને ખૂબ જ ખુશ છું, જે દરેકના પ્રિય, સ્વપ્નદ્રષ્ટા, સાચા દેશભક્ત અને જનતના પ્રિય છે. હું આશા રાખું છું કે હું દર્શકોની અપેક્ષાઓ પર ખરો ઉતરું .

શ્રેયસ તલપડે ફિલ્મનો એક ભાગ હોવા વિશે, કંગના રનૌતે કહ્યું, "તે અટલ બિહારી વાજપેયીની ભૂમિકા ભજવી રહ્યો છે, જેઓ એક યુવાન અને ઉભરતા નેતા હતા જ્યારે ઇન્દિરા ગાંધી પ્રથમ વખત વડાપ્રધાન બન્યા હતા. તેઓ ઈમરજન્સીના હીરોમાંના એક હતા. કારણ કે તે (શ્રેયસ) એક બહુમુખી પ્રતિભાશાળી અભિનેતા છે, અમે તેને અમારી ટીમના એક ભાગ તરીકે મળવા માટે ભાગ્યશાળી છીએ.

કંગના રનૌતે શ્રેયસ તલપડે વિશે કહ્યું કે મને અંગત રીતે લાગે છે કે અટલ બિહારી વાજપેયી તરીકેનું તેમનું કામ સૌથી યાદગાર રહેશે. અમે ખૂબ નસીબદાર છીએ કે તેમના જેવા શક્તિશાળી કલાકારને આટલી મહત્વપૂર્ણ ભૂમિકા માટે અમારી સાથે જોડવામાં આવ્યો. તમને જણાવી દઈએ કે ઈમરજન્સીની જાહેરાત બાદથી આ ફિલ્મ સતત હેડલાઈન્સમાં રહી છે.