ભૂમિનો આ દિવાળી લુક જોઈને યુઝર્સે કરી ટ્રોલ, ઉર્ફી સાથે કરવામાં આવી તુલના

મુંબઈમાં  ભૂમિ પેડનેકર (Bhumi Pednekar)બોલિવૂડની ( Bollywood)સુંદર એક્ટ્રેસમાંથી એક છે. તેણીએ જે પણ ફિલ્મોમાં કામ કર્યુ તેને ચાહકો દ્વારા ખૂબ જ પસંદ કરવામાં આવ્યુ હતું. હાલમાં ભૂમિ બોલિવૂડ દિવાળી પાર્ટીમાં હાજરી આપવા પહોંચી હતી જેમાં તેણીએ જે ડ્રેસ પહેર્યો હતો, તેના કારણે યુઝર્સે તેણીને ખૂબ જ ટ્રોલ કરી હતી. બોલિવૂડ સેલેબ્સ અવારનવાર તેમના લુક્સ અને ડ્રેસિંગનાં કારણે ટ્રોલ થતાં હોય છે, ત્યારે હવે ભૂમિએ પણ આ ટ્રોલર્સનો શિકાર થવું પડ્યું છે.

હકીકતમાં એક્ટ્રેસને હાલમાં એક પાર્ટીમાં જોવામાં આવી હતી, જેમાં તેણીએ સફેદ રંગનો ડ્રેસ પહેર્યો હતો. આ ડ્રેસના કારણે યુઝર્સે ભૂમિની તુલના ઉર્ફી જાવેદ સાથે કરી હતી. ભૂમિ ટોયલેટ એક પ્રેમ કથા દમ લગા કે હઈશા શુભ મંગલ સાવધાન' જેવી ફિલ્મોમાં તેણીના શાનદાર અભિનય માટે ઓળખવામાં આવે છે. જોકે તેણીના ઘણાં પ્રોજેક્ટ હજુ સુધી રિલીઝ થયા નથી.