કાંકરિયા ઝૂ માં પશુ-પંખીઓને ગરમીથી રાહત આપવા તંત્ર દ્વારા કરાઈ ખાસ વ્યવસ્થા

Special Cooling Arrangements for Kankaria Zoo Animals : અમદાવાદમાં ઉનાળાના પ્રારંભની સાથે જ વધતા જતા તાપમાનને (Temperature) ધ્યાનમાં રાખીને કાંકરિયા પ્રાણીસંગ્રહાલયના (Kankaria Zoo) સત્તાધીશો દ્વારા વન્યજીવોના રક્ષણ માટે ખાસ આયોજન કરવામાં આવ્યું છે. વાઘ, સિંહ અને ચિત્તા જેવા હિંસક પ્રાણીઓના પાંજરામાં ખાસ કૂલર (Coolers) અને ઠંડક આપતી અન્ય સુવિધાઓ ઊભી કરવામાં આવી છે, જેથી તેમને આકરી ગરમીથી (Heatwave) બચાવી શકાય. પ્રાણીઓને લૂ (Sunstroke) ન લાગે તે માટે પીવાના પાણીમાં ઓ.આર.એસ. (ORS) ભેળવીને આપવામાં આવી રહ્યું છે, જેનાથી તેમના શરીરમાં પાણીનું સ્તર જળવાઈ રહે. આ ઉપરાંત, પક્ષીઓ અને પ્રાણીઓના આહારમાં (Diet) ફળોનું પ્રમાણ વધારવામાં આવ્યું છે અને પાચનતંત્ર જાળવવા માટે અઠવાડિયામાં એક દિવસ ઉપવાસ (Fasting) રખાવવાની પદ્ધતિ પણ અમલમાં મુકાઈ છે.