Ahmedabad Minor Assault Case : 13 વર્ષની સગીરાને ચા બનાવવાના બહાને ઘરમાં બોલાવી પાડોશીએ આચર્યું દુષ્કર્મ

Ahmedabad Minor Assault Case : અમદાવાદના વટવા વિસ્તારમાં માનવતાને શરમાવે તેવી ઘટના સામે આવી છે, જ્યાં 13 વર્ષની સગીરાને ચા બનાવવાના બહાને પોતાના ઘરમાં બોલાવી પાડોશી ઈમ્તિયાઝ શેખ ઉર્ફે બાબાએ તેની સાથે દુષ્કર્મ આચર્યું હોવાનો આરોપ છે. 4 સંતાનોનો પિતા ગણાતા આરોપીએ સગીરાની એકલતાનો લાભ ઉઠાવી આ ગંભીર ગુનો આચર્યો હતો. એટલું જ નહીં, ઘટનાની જાણ કોઈને કરશે તો જાનથી મારી નાખવાની ધમકી પણ આપી હતી. સમગ્ર મામલો બહાર આવતા પીડિતાના પરિવારજનોએ વટવા પોલીસ સ્ટેશનમાં ફરિયાદ નોંધાવી હતી. પોલીસે ગુનો દાખલ કરીને આરોપી ઈમ્તિયાઝ શેખ ઉર્ફે બાબાની ધરપકડ કરી છે અને સમગ્ર ઘટનાની વધુ તપાસ હાથ ધરી છે.