અમેરિકામાં વધુ એક ભારતીયનો મહિમા, આ મહિલા સાંસદને મળ્યું શક્તિશાળી પદ

ફરી એકવાર ભારતની જનતાએ અમેરિકા (America)માં પોતાનો ઝંડો ફરકાવ્યો છે. આ વખતે ભારતીય મૂળની પ્રમિલા જયપાલને ઈમિગ્રેશન પરની શક્તિશાળી હાઉસ જ્યુડિશિયરી કમિટી પેનલના રેન્કિંગ સભ્ય તરીકે નિયુક્ત કરવામાં આવ્યા છે. પેટા સમિતિનું નેતૃત્વ કરનાર તે પ્રથમ ઇમિગ્રન્ટ બન્યા. 57 વર્ષીય પ્રમિલા જયપાલ (Pramila Jaipal) વોશિંગ્ટનના 7મા કોંગ્રેસનલ ડિસ્ટ્રિક્ટનું પ્રતિનિધિત્વ કરે છે. તેણીએ જો લોફગ્રેનનું સ્થાન લીધું, જે ઇમિગ્રેશન અખંડિતતા, સુરક્ષા અને અમલીકરણ પરની સબકમિટીની મહિલા સભ્ય છે. રેન્કિંગ સભ્ય તરીકે નામ આપવામાં આવ્યા બાદ પ્રમિલા જયપાલે કહ્યું, “યુએસ હાઉસ ઓફ રિપ્રેઝન્ટેટિવ્સમાં ચૂંટાયેલી પ્રથમ દક્ષિણ એશિયાઈ મહિલા બનવાનું મને ગૌરવ છે.

પ્રમિલાએ કહ્યું કે, તે 16 વર્ષની હતી ત્યારે જ અમેરિકા આવી હતી. જોકે, અમેરિકન નાગરિક બનવા માટે તેને 17 વર્ષ રાહ જોવી પડી હતી. તેણીએ કહ્યું, "મારા માટે એવી સ્થિતિમાં હોવું એ એક મોટી વાત છે કે જ્યાં હું તૂટેલી ઇમિગ્રેશન સિસ્ટમને ફરીથી બનાવવાની ભૂમિકા નિભાવીશ."

પ્રમિલા યુએસ કોંગ્રેસમાં આવતા પહેલા ઘણા સમયથી ઇમિગ્રન્ટ્સ માટે લડત આપી રહી છે. તેણે વોશિંગ્ટનની સૌથી મોટી ઇમિગ્રન્ટ સંસ્થા વન અમેરિકા (અગાઉ હેટ ફ્રી ઝોન) પણ શરૂ કરી. તેણે 11 સપ્ટેમ્બરના આતંકવાદી હુમલા બાદ તેની રચના કરી હતી. પૂર્વ રાષ્ટ્રપતિ ઓબામા દ્વારા તેમને ચેમ્પિયન ઓફ ચેન્જ એવોર્ડ પણ આપવામાં આવ્યો છે.

આ પણ વાંચો--પાકિસ્તાનના પૂર્વ ગૃહમંત્રી શેખ રાશિદની ધરપકડ, ઈમરાન ખાને આપી ધમકી !