અમેરિકામાં ફરી ગોળીબારની ઘટના, 5ના મોત

અમેરિકા (America)માં સતત ફાયરિંગ (Firing)ની ઘટનાઓ થઇ રહી છે.અમેરિકાના નોર્થ કેરોલિનામાં થયેલા ગોળીબારમાં 5 લોકોના મોતના સમાચાર આવી રહ્યા છે. સમાચાર એજન્સી દ્વારા આ સમાચારની પુષ્ટિ કરવામાં આવી છે. સ્થાનિક મેયરે પત્રકારોને જણાવ્યું હતું કે દક્ષિણ યુએસ રાજ્ય નોર્થ કેરોલિનામાં ગુરુવારે થયેલા ગોળીબારમાં ઑફ-ડ્યુટી પોલીસ અધિકારી સહિત પાંચ લોકો માર્યા ગયા હતા.

મેયરે  મેરી-એન બાલ્ડવિને એક ન્યૂઝ કોન્ફરન્સમાં જણાવ્યું હતું કે આ દુખદ સમાચાર છે અને રેલે શહેર માટે દુઃખદ દિવસ છે. આજે સાંજે 5:00 વાગ્યા પછી થયેલા ફાયરિંગમાં  ઘણા લોકોને ગોળી વાગી હતી, જેમાં 5ના મોત થાય છે. માર્યા ગયેલાઓમાં એક પોલીસ અધિકારીનો પણ સમાવેશ થાય છે. 

પોલીસ વિભાગે પણ ટ્વિટ કર્યું કે શંકાસ્પદને કસ્ટડીમાં લેવામાં આવ્યો છે. ઘાયલોમાં એક કેનાઇન ઓફિસરનો સમાવેશ થાય છે જેમને હોસ્પિટલમાં લઈ જવામાં આવ્યા હતા, પરંતુ તેમને કોઈ જીવલેણ ઈજાઓ થઈ ન હતી. યુનાઈટેડ સ્ટેટ્સમાં ગોળીબાર એ એક મોટી સમસ્યા છે જ્યાં એકલા 2021માં લગભગ 49,000 લોકો ગોળીબારથી મૃત્યુ પામ્યા હતા. તે આંકડાનો અર્થ એ છે કે દરરોજ 130 થી વધુ લોકો ગોળીબારમાં માર્યા ગયા જેમાં મોટાભાગે આત્મહત્યા હતી.

આ પણ વાંચો--મોસ્કોથી દિલ્હી આવેલી ફ્લાઇટમાં બોમ્બ હોવાની ખબરથી હડકંપ