અમદાવાદમાં રીક્ષા ભાડામાં મનસ્વી વધારો, મુસાફરોમાં રોષ

Ahmedabad : અમદાવાદમાં ઓટો રીક્ષા ભાડામાં અચાનક થયેલા વધારાને લઈને મુસાફરોમાં નારાજગી જોવા મળી રહી છે. રીક્ષા ચાલક એસોસિએશને સરકારની સત્તાવાર મંજૂરી વગર જ ભાડામાં વધારો કરવાનો નિર્ણય લીધો હોવાનું સામે આવ્યું છે. નવા નિર્ણય મુજબ પ્રતિ કિલોમીટરે 5 રૂપિયાનો વધારો કરવામાં આવ્યો છે, જ્યારે મિનિમમ ભાડું 20 રૂપિયાથી વધારીને 30 રૂપિયા કરવામાં આવ્યું છે. એસોસિએશનનું કહેવું છે કે છેલ્લા 10 દિવસ દરમિયાન ઇંધણના ભાવમાં સતત વધારો થતા આ નિર્ણય લેવાયો છે. જોકે, મુસાફરો અને વિવિધ સંગઠનો દ્વારા રજૂઆતો કરવામાં આવી હોવા છતાં એસોસિએશન પોતાનો નિર્ણય પાછો ખેંચવા તૈયાર નથી, જેના કારણે શહેરમાં આ મુદ્દે ચર્ચા ગરમાઈ છે.