શું તમે ચીજો ભૂલવા લાગ્યા છો? તો થઇ શકે છે કે તમે આ બીમારીના શિકાર છો

ડિમેન્શિયા એક એવો રોગ છે જેમાં ધીમે-ધીમે વ્યક્તિની યાદશક્તિ નબળી પડવા લાગે છે અને તેઓ વસ્તુઓ ભૂલી જવા લાગે છે. આ રોગ પર કામ કરતી વખતે, સંશોધનકર્તાએ તેના પર કાબુ મેળવવાનો એક રસ્તો શોધી કાઢ્યો છે, જેને અપનાવીને લોકો તેમની બીમારીને ઘટાડી શકે છે. ડિમેન્શિયાથી પોતાને બચાવવાનો શ્રેષ્ઠ માર્ગ એ છે કે તમારા મનને સક્રિય રાખવું. ચાલો જાણીએ તે પદ્ધતિ શું છે-

સંશોધનમાં જાણવા મળ્યું છે કે, જે લોકો નિયમિતપણે પુસ્તકો વાંચે છે, સંગીત વગાડે છે અથવા વ્યક્તિગત ડાયરી રાખે છે તેમને આ સ્થિતિ થવાનું જોખમ 23 ટકા ઓછું હોય છે. જેઓ નિયમિતપણે રમતગમત, યોગા અને નૃત્ય કરે છે તેમના માટે 17% રક્ષણાત્મક અસર જોવા મળી હતી. પરિણીત લોકોમાં સિંગલ્સની સરખામણીમાં ડિમેન્શિયા થવાનું જોખમ 7 ટકા ઓછું હતું. 2 મિલિયન આધેડ અને વૃદ્ધ લોકો સાથે સંકળાયેલા ડઝનેક અભ્યાસોના વિશ્લેષણમાં જાણવા મળ્યું છે કે દિમાગને તેજ રાખવા માટે શારીરિક પ્રવૃત્તિ એ શ્રેષ્ઠ વસ્તુ છે. 

સંશોધકોએ જણાવ્યું હતું કે ક્લબમાં જોડાવું, સ્વયંસેવી, મિત્રો અને પરિવારો સાથે સમય વિતાવવો અથવા ધાર્મિક કાર્યક્રમોમાં હાજરી આપવી આ તમામની માનવ મગજ પર સકારાત્મક અસર પડે છે. 

ડિમેન્શિયા એક એવો રોગ છે જેમાં વ્યક્તિની યાદશક્તિ નબળી પડી જાય છે. આ રોગ (ડિમેન્શિયા) ને કારણે વ્યક્તિના મગજની ક્ષમતા ધીમે ધીમે ઓછી થવા લાગે છે. આ મગજના બંધારણમાં શારીરિક ફેરફારોને કારણે થાય છે. આ ફેરફારો મેમરી, વિચાર, વર્તન અને મૂડને અસર કરે છે. ડિમેન્શિયાના વિવિધ પ્રકારો છે, જેમાંથી અલ્ઝાઈમર રોગ સૌથી સામાન્ય છે. અન્ય પ્રકારના ડિમેન્શિયા રોગમાં વેસ્ક્યુલર ડિમેન્શિયા, લેવી બેરિસ ડિમેન્શિયા અને ફ્રન્ટોટેમ્પોરલ ડિમેન્શિયાનો સમાવેશ થાય છે.