અર્પિતા મુખર્જીને એક દિવસની ED કસ્ટડીમાં મોકલવામાં આવી, સોમવારે થશે વિશેષ કોર્ટમાં હાજર

પશ્ચિમ બંગાળના  કેબિનેટ મંત્રી અને પૂર્વ શિક્ષણ મંત્રી પાર્થ ચેટરજીની  નજીકની સહયોગી અર્પિતા મુખર્જીને  શિક્ષક ભરતી કૌભાંડ કેસમાં એક દિવસની ED કસ્ટડીમાં મોકલવામાં આવી છે. આવતીકાલે તેમને સ્પેશિયલ કોર્ટમાં રજૂ કરવામાં આવશે. આપને જણાવી દઈએ કે બંગાળી અભિનેત્રી અર્પિતા મુખર્જીને આજે મેડિકલ ટેસ્ટ બાદ ED દ્વારા કોર્ટમાં રજૂ કરવામાં આવી હતી. એન્ફોર્સમેન્ટ ડિરેક્ટોરેટે કોર્ટ પાસે અર્પિતાના રિમાન્ડની માંગણી કરી હતી. કોર્ટે એક દિવસના રિમાન્ડ મંજૂર કર્યા છે. આવતીકાલે તેને સ્પેશિયલ કોર્ટમાં રજૂ કરવામાં આવશે.

કોર્ટમાં પોતાનો પક્ષ રજૂ કરતા EDએ કહ્યું કે અભિનેત્રીના ઘરેથી 13-14 પ્રોપર્ટીના કાગળો મળી આવ્યા છે, હવે વાસ્તવિક માલિકની શોધ કરવી ખૂબ જ જરૂરી છે. અર્પિતાએ કોર્ટમાં જામીન અરજી પણ કરી હતી, જેને કોર્ટે ફગાવી દીધી હતી. અભિનેત્રી અર્પિતા મુખર્જીને બંગાળ સરકારમાં મંત્રી પાર્થ ચેટરજીની નજીક માનવામાં આવે છે. તે પાર્થ ચેટર્જી દ્વારા સંચાલિત દુર્ગા પંડાલની સંભાળ રાખે છે. તમને જણાવી દઈએ કે શુક્રવારે સર્ચ ઓપરેશન દરમિયાન EDએ અર્પિતાના ઘરેથી 21 કરોડ રૂપિયા રોકડા રિકવર કર્યા હતા. જે બાદ રાજકીય ગલિયારામાં ખળભળાટ મચી ગયો હતો.

ઈડીએ શનિવારે પાર્થ ચેટર્જી અને અર્પિતાની ધરપકડ કરી હતી. ટીએમસીએ દાવો કર્યો હતો કે પાર્ટીને મંત્રી પાર્થ ચેટર્જીના નજીકના સહયોગી અર્પિતા મુખર્જી અને તેના ઘરેથી મળેલા પૈસા સાથે કોઈ લેવાદેવા નથી. જણાવી દઈએ કે શુક્રવારે એન્ફોર્સમેન્ટ ડિરેક્ટોરેટ EDએ તેના ઘરેથી લગભગ 21 કરોડ રૂપિયાની રોકડ જપ્ત કરી હતી. ટીએમસી તરફથી કહેવામાં આવ્યું છે કે પાર્ટી કોઈપણ ગુના અને ગેરરીતિને સમર્થન આપતી નથી.

અર્પિતા મુખર્જી મંત્રી પાર્થ ચેટરજીની નજીક છે

જણાવી દઈએ કે ધરપકડ બાદ અર્પિતા મુખર્જીએ સમગ્ર દોષ ભાજપ પર નાખ્યો હતો. તેમણે કહ્યું કે તેઓ નિર્દોષ છે, આ બધી ભાજપની ચાલ છે. અર્પિતા મુખર્જી એક અભિનેત્રી છે. તેણે બંગાળી, તમિલ, ઉડિયા ફિલ્મોમાં પણ કામ કર્યું છે. મળતી માહિતી મુજબ તે પાર્થ ચેટરજીની નજીકની સાથી છે. તે તેના દુર્ગા પૂજા પંડાલનું કામ સંભાળે છે. તેમના પ્રભાવનો અંદાજ એ વાત પરથી લગાવી શકાય છે કે પોસ્ટરો પર તેમનો ફોટો પણ છે.