Assam Assembly Elections : મેદાનમાં ઉતરેલા 722 ઉમેદવારોમાં કરોડપતિ અને ગુનાહિત ભૂતકાળ ધરાવતા નેતાઓનો દબદબો

Assam Assembly Elections : આસામમાં આગામી ચૂંટણીનો જંગ ખરાખરીનો જામ્યો છે, જેમાં કુલ 126 બેઠકો (Seats) પર 722 ઉમેદવારો (Candidates) પોતાનું નસીબ અજમાવી રહ્યા છે. આ વખતે ચૂંટણી મેદાનમાં મહિલા શક્તિનું પ્રતિનિધિત્વ કરતા 60 મહિલા ઉમેદવારો પણ સામેલ છે. જોકે, ઉમેદવારોના પૃથ્થકરણમાં ચોંકાવનારી વિગતો સામે આવી છે, જેમાં કુલ ઉમેદવારો પૈકી 102 વ્યક્તિઓ સામે ફોજદારી કેસ (Criminal Cases) નોંધાયેલા છે અને તેમાંથી 83 ઉમેદવારો તો ગંભીર ગુનાઓનો (Serious Offences) સામનો કરી રહ્યા છે. રાજકીય પક્ષોએ આર્થિક રીતે સધ્ધર નેતાઓ પર પણ મોટો દાવ ખેલ્યો હોય તેમ જણાય છે, કારણ કે આ ચૂંટણીમાં 285 કરોડપતિ (Millionaires/Crorepatis) ઉમેદવારો મેદાને છે. આમ, આસામનો આ ચૂંટણી જંગ ધનબળ, બાહુબળ અને રાજકીય સમીકરણો વચ્ચે રસપ્રદ બની રહ્યો છે.