ભારત સામેની ટેસ્ટ શ્રેણી માટે ઓસ્ટ્રેલિયન ટીમની જાહેરાત, ઇજાગ્રસ્ત ગ્રીન અને સ્ટાર્કનો પણ ટીમમાં સમાવેશ

ઓસ્ટ્રેલિયાના મુખ્ય પસંદગીકાર જ્યોર્જ બેઇલી (GEORGE BAILEY)એ જણાવ્યું હતું કે મર્ફીએ ફર્સ્ટ ક્લાસ ક્રિકેટમાં અજાયબીઓ કરી છે. તેણે શેફિલ્ડ શિલ્ડ, ઓસ્ટ્રેલિયા A અને પ્રેસિડેન્ટ્સ XI માટે સારું પ્રદર્શન કર્યું છે. આ કારણે તેને ઓસ્ટ્રેલિયાની મુખ્ય ટીમમાં સ્થાન મળ્યું છે. બેઇલીએ જણાવ્યું હતું કે "આ ટીમમાં પસંદગી નાથન લિયોન અને સહાયક કોચ ડેનિયલ વેટોરી સાથે ભારતમાં સમય પસાર કરવાની બીજી તક પૂરી પાડે છે જે તેના વિકાસ માટે અમૂલ્ય હશે."

અનકેપ્ડ પેસર લાન્સ મોરિસે (LANCE MORRIS) ઓસ્ટ્રેલિયાના ઘરેલું પ્રવાસ બાદ ટીમમાં પોતાનું સ્થાન જાળવી રાખ્યું છે. તેની પાસે નાગપુરમાં પ્રથમ ટેસ્ટમાં ડેબ્યૂ કરવાની તક છે. મિચેલ સ્ટાર્ક ઈજાગ્રસ્ત છે અને તેના માટે આ ટેસ્ટ પહેલા મેચ રમવા માટે ફિટ થવું મુશ્કેલ છે. બેટ્સમેનોમાં પીટર હેન્ડ્સકોમ્બ અને મેટ રેનશો કાંગારૂ ટીમમાં પરત ફર્યા છે, જ્યારે માર્કસ હેરિસને બહાર કરવામાં આવ્યા છે. ઓલરાઉન્ડર કેમરન ગ્રીનને પણ ઓસ્ટ્રેલિયન ટીમમાં સામેલ કરવામાં આવ્યો છે, પરંતુ તે પણ સંપૂર્ણ રીતે ફિટ નથી. દક્ષિણ આફ્રિકા સામેની બોક્સિંગ ડે ટેસ્ટમાં તે ઈજાગ્રસ્ત થયો હતો.

ભારત પ્રવાસ માટે ઓસ્ટ્રેલિયાની ટેસ્ટ ટીમ
પેટ કમિન્સ (કેપ્ટન), એશ્ટન અગર, સ્કોટ બોલેન્ડ, એલેક્સ કેરી, કેમેરોન ગ્રીન, પીટર હેન્ડ્સકોમ્બ, જોશ હેઝલવુડ, ટ્રેવિસ હેડ, ઉસ્માન ખ્વાજા, માર્નસ લેબુશેન, નાથન લિયોન, લાન્સ મોરિસ, ટોડ મર્ફી, મેથ્યુ રેનશો, સ્ટીવ સ્મિથ (વાઈસ કેપ્ટન) , મિશેલ સ્ટાર્ક, મિશેલ સ્વેપ્સન, ડેવિડ વોર્નર.

ભારતનો ઓસ્ટ્રેલિયા પ્રવાસ શેડ્યૂલ