Badrinath Dham : વૈદિક મંત્રોચ્ચારના દિવ્ય ધ્વનિ વચ્ચે બદ્રીનાથ ધામના કપાટ ખુલ્યા

• બદ્રીનાથમાં પૂજારીઓએ કરી શ્રીહરિની પૂજા-અર્ચના
• 40 ક્વિન્ટલ ફૂલથી શણગારવામાં આવ્યું બદ્રીનાથ ધામ
• મોટી સંખ્યામાં શ્રદ્ધાળુઓ દર્શનાર્થે ઉમટી પડ્યા

ઉત્તરાખંડના ચાર મુખ્ય ધામોમાંના એક બદ્રીનાથ ધામના કપાટ આજે ભક્તો માટે ઔપચારિક રીતે ખોલવામાં આવ્યા હતા. કપાટ ખુલતાની સાથે જ મંદિર પરિસર 'જય બદ્રી વિશાલ' ના નારાઓથી ગુંજી ઉઠ્યું અને આર્મી બેન્ડની સુમધુર ધૂનોએ આ શુભ પ્રસંગને વધુ ભવ્ય બનાવ્યો છે. દ્વાર ખુલતા પહેલા, સવારે 4 વાગ્યે, મંદિર સમિતિના અધિકારીઓ અને કર્મચારીઓએ મંદિર પરિક્રમામાં ભાગ લીધો અને સવારે 4:30 વાગ્યે, શ્રી કુબેરજી દક્ષિણ દ્વારથી મંદિર પરિક્રમામાં પ્રવેશ્યા. સવારે 5-30 વાગ્યે દ્વાર પૂજા શરૂ થઈ અને અડધા કલાક પછી બદ્રીનાથના દ્વાર ખુલ્યા. શ્રી બદ્રીનાથ ધામના કપાટ ખુલવાની સાથે જ ચાર ધામ યાત્રા સત્તાવાર રીતે શરૂ થઈ ગઈ છે.