2 મિનિટમાં બુક કરો ટ્રેનની કન્ફર્મ તત્કાલ ટીકીટ, આ રીતે કરો બુકીંગ

ભીડ અને રજાઓના કારણે ઘણી વખત  ટ્રેનની કન્ફર્મ ટિકિટ તત્કાલ ક્વોટામાંથી પણ મળતી નથી. પરંતુ શું તમે જાણો છો કે કેટલીક એવી રીતો છે જેના દ્વારા તમે મિનિટોમાં કન્ફર્મ ટ્રેન ટિકિટ મેળવી શકો છો. ભારતીય રેલ્વેમાં કન્ફર્મ ટિકિટ મેળવવાના સંઘર્ષથી આપણે બધા પરિચિત છીએ, ખાસ કરીને પરેશાની ત્યારે સર્જાય છે જ્યારે રજાઓમાં કન્ફર્મ ટિકીટ જોઇતી હોય . અહીંજ 'તત્કાલ' ટિકિટ કામમાં આવે છે.

તત્કાલ ટિકીટની સુવિધા આપને મુસાફરીની તારીખના બરાબર એક દિવસ પહેલા ટ્રેનમાં સીટ બુક કરવાની સુવિધા આપે છે . તત્કાલ રેલવે ટિકિટ મેળવવાની પ્રક્રિયા જે દિવસે મુસાફરી કરવાની હોય તેના એક દિવસ પહેલા શરૂ થાય છે.  થર્ડ એસી (3AC) અને તેનાથી ઉપરના સ્લોટ સવારે 10 વાગ્યાથી શરૂ થાય છે, જ્યારે સ્લીપર ક્લાસ ટિકિટનું વેચાણ સવારે 11 વાગ્યાથી શરૂ થાય છે. તત્કાલ ક્વોટા ધરાવતી ટ્રેનોમાં એસી અને નોન એસી કોચમાં તત્કાલ માટે માત્ર થોડી જ સીટો આરક્ષિત છે.

આ ટિકિટોની બારી માત્ર એક કલાક માટે ખુલ્લી રહે છે. એક PNR પર વધુમાં વધુ ચાર સીટ બુક કરી શકાય છે. ધ્યાનમાં રાખો કે તત્કાલ ટિકિટ પણ કેન્સલ થઈ શકે છે પરંતુ તમને આ માટે કોઈ રિફંડ મળશે નહીં. અહીં કેટલીક રીતો છે જેના દ્વારા તમે તત્કાલ ટિકિટ ઓનલાઈન બુક કરી શકો છો.

- તત્કાલ ટિકિટ મેળવવાની શ્રેષ્ઠ રીત IRCTC વેબસાઇટ દ્વારા છે.

- સૌથી પહેલા IRCTC હોમ પેજ પર લોગીન કરો. જો તમારી પાસે એકાઉન્ટ ન હોય તો એકાઉન્ટ બનાવવું જરૂરી છે.

- 'પ્લાન માય જર્ની' પેજ પર ક્લિક કરો અને 'ફ્રોમ સ્ટેશન' અને 'ટુ સ્ટેશન' વિકલ્પો ભરો.

- 'જર્ની ડેટ' પસંદ કરો અને ટિકિટને 'ઈ-ટિકિટ' તરીકે પસંદ કરો.

- 'સબમિટ' બટન પર ક્લિક કરો. તમને તે ટ્રેનોની સૂચિ બતાવવામાં આવશે જે તમારા સ્થાનથી તમારા ગંતવ્ય સુધી મુસાફરી કરે છે.

-  ટ્રેન લિસ્ટની ટોચ પર, તમે 'સિલેક્ટ ક્વોટા' નામનો વિકલ્પ જોશો.

-  અહીં, 'તત્કાલ' પસંદ કરો અને વેબસાઇટ તમને તત્કાલ ક્વોટા ધરાવતી ટ્રેનો બતાવશે.

-  તમે જે ટ્રેનમાં મુસાફરી કરવા માંગો છો તે ટ્રેન પસંદ કરો.

-  જો તત્કાલ ટિકિટ ઉપલબ્ધ હોય, તો 'બુક નાઉ' બટન પર ક્લિક કરો.

-  હવે એક નવી વિન્ડો દેખાશે જે તમને મુસાફરોની વિગતો દાખલ કરવાનું કહેશે - જેમ કે તેમનું નામ, ઉંમર, બર્થ પસંદગી અને અન્ય વિકલ્પો.

-  બધી જરૂરી વિગતો ભર્યા પછી પેજની નીચે કેપ્ચા અને મોબાઈલ નંબર દાખલ કરો. તમારી ટિકિટની વિગતો આ નંબર પર આવશે.

-  તમારા મનપસંદ ચુકવણી વિકલ્પોમાંથી એક પસંદ કરીને ચૂકવણી કરો.

-  તમારી ટિકિટ બુક થઈ જશે.

આ પણ વાંચોઃ  વૈષ્ણોદેવીમાં નવા વર્ષે ભક્તોની ભીડને પહોંચી વળવા વહીવટીતંત્ર સજ્જ, 500 કેમેરાથી મોનિટરિંગ