પૂરાવા વગર પતિને લફરાબાજ અને શરાબી કહેવો ક્રૂરતા છે, બોમ્બે હાઇકોર્ટની ટિપ્પણી

બોમ્બે હાઈકોર્ટે એક કેસમાં  પૂણેની ફેમિલી કોર્ટના આદેશને યથાવત રાખતા કહ્યું હતું કે પુરાવા વગર પતિને નારીવાદી અને આલ્કોહોલિક કહેવું ક્રૂરતા સમાન છે.જસ્ટિસ નીતિન જામદાર અને જસ્ટિસ શર્મિલા દેશમુખની ડિવિઝન બેન્ચે 12 ઑક્ટોબરે આપેલા પોતાના આદેશમાં 50 વર્ષીય મહિલા દ્વારા દાખલ કરવામાં આવેલી અપીલને ફગાવી દીધી હતી.

 એક રિટાયર્ડ સેના અધિકારીના છૂટાછેડાના મામલાને લઇને પૂણેની ફેમિલી કોર્ટના ચૂકાદાને પડકાર ફેંકતી એક અરજી બોમ્બે હાઇકોર્ટમાં થઇ હતી. હાઈકોર્ટમાં અપીલની સુનાવણી દરમિયાન જેના વિરુદ્ધ આ અરજી થઇ હતી, તે અધિકારીનું મૃત્યુ થયું હતું, જેના પગલે કોર્ટે તેના કાનૂની વારસદારને પ્રતિવાદી તરીકે ઉમેરવાનો નિર્દેશ આપ્યો હતો. 

મહિલાએ તેની અપીલમાં દાવો કર્યો હતો કે તેનો પતિ નારીવાદી અને આલ્કોહોલિક હતો અને આ દુષ્કૃત્યોને કારણે તે તેના વૈવાહિક અધિકારોથી વંચિત રહી હતી. બેન્ચે કહ્યું કે પત્ની દ્વારા તેના પતિના ચારિત્ર્ય પર અયોગ્ય અને ખોટા આરોપ લગાવવાથી સમાજમાં તેની પ્રતિષ્ઠાને નુકસાન થાય છે અને તે ક્રૂરતા છે.હાઈકોર્ટે પોતાના આદેશમાં કહ્યું કે મહિલાએ પોતાના નિવેદન સિવાય પોતાના આરોપોને સમર્થન આપવા માટે કોઈ પુરાવા રજૂ કર્યા નથી. મૃતકના વકીલે કોર્ટને જણાવ્યું કે અરજદાર મહિલાએ તેના પતિ પર ખોટા અને બદનક્ષીભર્યા આરોપ લગાવીને માનસિક ત્રાસ આપ્યો હતો. કોર્ટે પતિના નિવેદનનો ઉલ્લેખ કર્યો હતો જેમાં તેણે દાવો કર્યો હતો કે અરજદારે તેને તેના બાળકો અને પૌત્રોથી અલગ કરી દીધો હતો.બેંચે કહ્યું કે પૂરાવા વગર પતિ પર આ પ્રકારના આક્ષેપ કરવા એ ક્રૂરતા છે.. કોર્ટે ઉમેર્યુ હતું કે અરજદારના પતિ સેનામાંથી નિવૃત્ત હતો, તે સમાજના ઉચ્ચ વર્ગ સાથે સંબંધ ધરાવતો હતો. સમાજમાં તેમની પ્રતિષ્ઠા હતી.