ચીનના ખતરનાક HMPV વાયરસની ભારતમાં એન્ટ્રી, ચાઈનાના અનેક રાજ્યોમાં ઈમરજન્સી

બેંગલુરુ બાદ, ગુજરાતના અમદાવાદમાં પણ હ્યુમન મેટાપ્યુમોવાયરસ (HMPV) નો કેસ નોંધાયો છે. અમદાવાદના ચાંદખેડા વિસ્તારમાં 2 મહિનાના બાળકમાં આ વાયરસનો ચેપ જોવા મળ્યો છે. નવજાત અહીંની ખાનગી હોસ્પિટલમાં સારવાર હેઠળ છે. બાળકની સારવાર માટે પરિવાર રાજસ્થાનના ડુંગરપુરથી અમદાવાદ પહોંચ્યો હતો. બાળકની હાલત હવે સ્થિર છે. HMPV, એક વાયરસ જે શ્વાસ લેવામાં તકલીફ પેદા કરે છે, તે બેંગલુરુની બેપ્ટિસ્ટ હોસ્પિટલમાં 8 મહિનાના છોકરા અને 3 મહિનાની છોકરીમાં જોવા મળ્યો છે. અધિકારીઓએ જણાવ્યું હતું કે આ બે દર્દીઓ અથવા તેમના પરિવારજનોનો કોઈ આંતરરાષ્ટ્રીય પ્રવાસનો ઇતિહાસ નથી.