ચિરાગ પાસવાને નીતીશ કુમારની તુલના કંસ સાથે કરી

ચિરાગે કહ્યું કે, 2024માં હારનો ડર એ રીતે પ્રવેશી ગયો છે કે મામા કંસ માતા દેવકીના દરેક પુત્રને મારી નાખતા ગયા. માત્ર પોતાની જાતને બચાવવા માટે. તેમણે કહ્યું કે, નીતીશ કુમારે પહેલા મારા પર અને હવે આરસીપી સિંહ પર હુમલો કર્યો. આ વખતે પાર્ટી બદલવાનું પણ કામે નહીં આવે. ચિરાગ પાસવાને કહ્યું કે, મુખ્યમંત્રી નીતીશ કુમારનો લાંબો ઈતિહાસ છે. તેમણે કહ્યું કે, શરદ યાદવની હાલત જુઓ. નીતીશ કુમારે પોતાના જ નેતાઓને કેવી રીતે હેરાન કર્યા, શું જનતા આ ભૂલી શકે છે. નીતીશ કુમારે પ્રશાંત કિશોર અને ઉપેન્દ્ર કુશવાહનું શું કર્યું? તે કોઈનાથી છુપાયેલું નથી.  ચિરાગ પાસવાને 2020ની બિહાર વિધાનસભા ચૂંટણીમાં નીતીશ કુમારની જેડીયુ દ્વારા લડવામાં આવેલી તમામ બેઠકો પર ઉમેદવારો ઉભા રાખ્યા હતા, જેમાંથી મોટાભાગના ભાજપના બળવાખોરો હતા. જેના કારણે જેડીયુની સીટોની સંખ્યા ઘટી હતી અને તે પાંચ વર્ષ પહેલા 70ની સરખામણીમાં 45ની આસપાસ સીમિત રહી હતી.