શેરબજારમાં આજે જોવા મળ્યો કડાકો, સેન્સેક્સ 1200 પોઈન્ટ તૂટ્યો

વૈશ્વિક બજારમાં ભારે ઘટાડાથી સ્થાનિક શેરબજારમાં ખળભળાટ મચી ગયો છે. સોમવારે સેન્સેક્સ અને નિફ્ટી ભારે ઘટાડા સાથે ખુલ્યા હતા. શરૂઆતમાં, 30 પોઈન્ટનો BSE સેન્સેક્સ 1,210.62 પોઈન્ટ (2.06 ટકા) ઘટીને 57623.25 પર ખુલ્યો હતો. આ સાથે જ નિફ્ટીમાં પણ જોરદાર ઘટાડો જોવા મળ્યો હતો. તે 361.50 પોઈન્ટ (2.06 ટકા) તૂટ્યો અને 17197.40 ના સ્તરે ખુલ્યો. શરૂઆતના વેપારમાં 433 શેર વધ્યા, 1965 શેર ઘટ્યા અને 135 શેર ફ્લેટ ખુલ્યા.

આજે શેરબજાર ખુલવાની સાથે જ હંગામો મચી ગયો છે. સપ્તાહના પ્રથમ દિવસે સોમવારે ભારતીય શેરબજારમાં મોટો ઘટાડો જોવા મળી રહ્યો છે. સોમવારે સેન્સેક્સ લગભગ 1,200 પોઈન્ટ તૂટ્યો હતો. વળી, નિફ્ટીમાં લગભગ 350 પોઈન્ટનો ઘટાડો નોંધાયો હતો. સેન્સેક્સમાં સમાવિષ્ટ 30 શેરો મોટા ઘટાડા સાથે કારોબાર કરી રહ્યા છે. બજારમાં આ ઘટાડો યુએસ ફેડરલ ચીફ જેરોમ પોવેલના આસમાનને આંબી રહેલા મોંઘવારીને અંકુશમાં લેવા અપેક્ષા કરતાં વધુ કડક નાણાકીય વલણ રાખવાના સમાચાર પર આવ્યો હતો. જેરોમ પોવેલના નિવેદન બાદ શુક્રવારે ડાઉ જોન્સ 1008.38 પોઈન્ટ (3.03%) તૂટ્યો હતો. Nasdaq 5.12 પોઈન્ટ (2.74%) ઘટીને USD 182.07 પર બંધ થયો. આજે પણ યુએસ માર્કેટમાં મોટો ઘટાડો જોવા મળી રહ્યો છે. એશિયન માર્કેટમાં પણ મોટો ઘટાડો જોવા મળ્યો છે. જેના કારણે ભારતીય બજારમાં વેચવાલીનું દબાણ સર્જાયું છે.

આજના કારોબારમાં બેંકિંગ, આઈટી અને ઓટો શેરોમાં જોરદાર ધબડકો જોવા મળી રહ્યો છે. મારુતિ, મહિન્દ્રા, એસબીઆઈ, આઈસીઆઈસીઆઈ, રિલાયન્સ, વિપ્રો, ઈન્ફોસીસના તમામ શેર બે ટકા સુધીના ઘટાડા સાથે ટ્રેડ થઈ રહ્યા છે. વળી, ઇન્ડિયા વિક્સ 8 ટકાથી વધુ ઉછળ્યો છે. આ બજારમાં વધુ અસ્થિરતાના સંકેતો છે. નિફ્ટી ઇન્ડેક્સમાં સમાવિષ્ટ કાઉન્ટર્સ ઘટાડા સાથે ટ્રેડ કરી રહ્યાં છે. નિષ્ણાતોનું કહેવું છે કે આવી સ્થિતિમાં નાના રોકાણકારોએ હાલ બજારથી અંતર રાખવું જોઈએ.

આ પણ વાંચો - મુકેશ અંબાણીએ દુબઈમાં ખરીદ્યું આલીશાન ઘર, 7 સ્ટાર હોટલથી ઓછું નથી આ વિલા, Video