રાજકોટ મનપાના GIS સર્વર પર સાયબર હુમલો! 400 GB ડેટા ચોરીની આશંકા

Rajkot : રાજકોટ મ્યુનિસિપલ કોર્પોરેશન (RMC)ના GIS સર્વર પર થયેલા સાયબર હુમલાએ શહેરની ડિજિટલ સુરક્ષા અંગે ગંભીર ચિંતા ઉભી કરી છે, કારણ કે 10 કરોડ રૂપિયાના સાયબર સિક્યુરિટી ખર્ચ છતાં આ હુમલો રોકી શકાયો નથી. આ હુમલામાં લગભગ 400 GB જિયોગ્રાફિકલ ડેટા, જેમાં મનપા સંચાલિત શાળાઓ, પુલો અને અન્ય મહત્વની ઇન્ફ્રાસ્ટ્રક્ચરની માહિતીનો સમાવેશ થાય છે, તે ચોરાઈ ગયો હોવાની શંકા છે. આ ઘટનાને પગલે GIS સર્વરને જાહેર ઉપયોગ માટે હાલ બંધ કરવામાં આવ્યું છે. આ હુમલો રાજપથ કંપનીના ડેટા સાથે જોડાયેલો હોવાનું પણ જાણવા મળ્યું છે, જેના કારણે સ્થાનિક વહીવટ અને સાયબર સુરક્ષા નિષ્ણાતો તપાસમાં વ્યસ્ત છે.