Devbhumi Dwarka : સુરક્ષા એજન્સીઓને મળી મોટી સફળતા, દરિયાકાંઠેથી કરોડોનું ચરસ જપ્ત

દેવભૂમિ દ્વારકા જિલ્લાના હર્ષદ ગામના દરિયાકાંઠેથી સુરક્ષા એજન્સીઓએ કરોડો રૂપિયાનું ચરસ જપ્ત કરવામાં મોટી સફળતા મેળવી છે. પોલીસના ફૂટ પેટ્રોલિંગ દરમિયાન ડૉગ સ્કવૉડની મદદથી પથ્થરો નીચે છુપાવેલો 4 કિલો અને 548 ગ્રામ ચરસનો જથ્થો મળી આવ્યો હતો. આ જપ્ત કરાયેલા નશાના જથ્થાની આંતરરાષ્ટ્રીય બજારમાં અંદાજિત કિંમત ₹2.27 કરોડ છે. આ ઘટના બાદ પોલીસે ડ્રગ તસ્કરોને પકડવા માટે તપાસ તેજ કરી છે અને દરિયાકાંઠે સતર્કતા વધારી દીધી છે.