રાજ્યમાં નકલીની ભરમાર! રાજકોટમાં RUDAનો નકલી નકશો બનાવ્યો હોવાનો ખુલાસો

Rajkot : રાજકોટમાં નકલી દસ્તાવેજોની ભરમાર વચ્ચે એક ચોંકાવનારો કિસ્સો પ્રકાશમાં આવ્યો છે, જ્યાં અમુક અસામાજિક તત્ત્વોએ રાજકોટ શહેરી વિકાસ સત્તામંડળ (RUDA)નો નકલી નકશો બનાવી જમીનના સટ્ટાને પ્રોત્સાહન આપવાનો પ્રયાસ કર્યો છે. આ નકલી નકશામાં રાજકોટ, પડધરી, લોધિકા અને કોટડા સાંગાણીના આસપાસના 24 ગામોને RUDAની હદમાં હોવાનું ખોટું દર્શાવવામાં આવ્યું છે, જેથી ગ્રામ્ય વિસ્તારોમાં જમીનના ભાવમાં ઉછાળો આવે. છેલ્લા બે દિવસથી આ નકશો સોશિયલ મીડિયા પર ખેડૂતો અને ગ્રામ પંચાયતના ગ્રૂપોમાં ઝડપથી ફરી રહ્યો છે, જેનાથી જમીનના ભાવ વધારવાના ઉદ્દેશ્ય સાથે લોકોને ગેરમાર્ગે દોરવાનું ષડયંત્ર સ્પષ્ટ થાય છે.