પહેલા વાંચો કુલ્લુ પોલીસની આ ચેતવણી, પછી નશામાં વાહન ચલાવીને બતાવો

સોશિયલ મીડિયા પર વાયરલ થઈ રહેલું વોર્નિંગ બોર્ડ કુલ્લુ-મનાલીનું કહેવામાં આવી રહ્યું છે. કુલ્લુ પોલીસ દ્વારા લગાવવામાં આવેલા આ બોર્ડ પર દારૂ પીને વાહન ન ચલાવવાની સૂચના આપવામાં આવી છે બોર્ડ પર લખેલું છે - નશામાં વાહન ન ચલાવો, મનાલીની જેલમાં અત્યંત ઠંડી છે. કુલ્લુ પોલીસનું ચેતવણી બોર્ડ ડ્રાઇવરોને દારૂ પીને વાહન ન ચલાવવા અને પરિણામ ભોગવવા માટે રસપ્રદ ચેતવણી આપી રહ્યું છે. પોલીસના મતે જો દારૂ પીને ગાડી ચલાવતા પકડાય તો જેલ થઈ શકે છે અને મનાલીની જેલ ખૂબ જ ઠંડી છે. તેથી, જો તમે મનાલી જેલમાં જવાનું ટાળવા માંગતા હો, તો નશામાં વાહન ચલાવશો નહીં 

ઈન્સ્ટાગ્રામ પર પોસ્ટ કરવામાં આવેલી આ વીડિયો ક્લિપમાં જોઈ શકાય છે કે કુલ્લુ પોલીસે કંઈપણ ઉલ્લેખ કર્યા વિના ટોચ પર લખ્યું છે, દારૂના નશામાં વાહન ચલાવશો નહીં. મનાલીની જેલ ખૂબ જ ઠંડી છે. બોર્ડમાં ધૂમ્રપાન ન કરવા માટેની  સલાહ  પણ આપી છે. આ ઉપરાંત  તેમાં  એ પણ લખ્યું  છે કે સિગારેટથી ફેફસાં બળી જાય છે. જે આપણા  સ્વાસ્થ્ય માટે હાનિકરક છે.

આ બોર્ડને લઈને ઘણા યુઝર્સે કુલ્લુ પોલીસ પર સવાલો ઉઠાવ્યા હતા. એક યુઝરે લખ્યું કે, આ બોર્ડ ગાંજાના છોડની પાસે જ  કેમ લગાવ્યું. ઘણા યુઝર્સ આવા ફની સાઈન બોર્ડ વાંચીને હસતા ઈમોજી પણ શેર કરી રહ્યા છે. એક યુઝરે લખ્યું, શું તમે જાણો છો કે આ જગ્યા ક્યાં છે. આ વિડીયો ક્લિપને ઈન્સ્ટાગ્રામ પર 60 લાખથી વધુ વખત જોવામાં આવ્યો છે  જ્યારે ત્રણ લાખથી વધુ યુઝર્સે તેને લાઈક કરી છે.