ગુજરાત સ્થાપના દિવસે BTP-AAP નું થઇ શકે છે વિધિવત ગઠબંધન

ટ્રાઈબલ પાર્ટી ઓફ ઈન્ડિયાના રાષ્ટ્રીય અધ્યક્ષ મહેશભાઈ વસાવાએ જણાવ્યું હતું કે, પંજાબમાં AAPની સરકાર આવી તે પહેલા જ અમે દિલ્હીના મુખ્યમંત્રીના સંપર્કમાં હતા. ગુજરાતના ગરીબ આદિવાસી જૂથની સમૃદ્ધિ માટે ભારતીય ટ્રાઇબલ પાર્ટી અને આમ આદમી પાર્ટીએ રાજકીય રીતે સાથે મળીને કામ કરવાની જરૂર છે. મહત્વનું છે કે, છેલ્લા ઘણા સમયથી ચર્ચાઇ રહ્યું હતું કે, ધારાસભ્ય છોટુભાઈ વસાવા, મહેશભાઈ વસાવા સાથે દિલ્હીના મુખ્યમંત્રી અરવિંદ કેજરીવાલ વિધિવત ગઠબંધન કરશે. ભાજપ-કોંગ્રેસની ગુજરાતના સ્થાપના દિવસની ઉજવણી સાથે આ મહાગઠબંધન પર નજર રહેશે. ઉલ્લેખનીય છે કે, પંજાબમાં જબરદસ્ત જીત મેળવ્યા બાદ હવે આમ આદમી પાર્ટીની નજર ગુજરાત વિધાનસભાની ચૂંટણી પર છે.