અંકલેશ્વરની વાલિયા ચોકડી ઓવરબ્રિજ પર ગમખ્વાર અકસ્માત, કારનો ખુરદો બોલાઇ ગયો

અંકલેશ્વરની વાલિયા ચોકડી ઓવરબ્રિજ પર દર્દનાક અકસ્માત સર્જાયો હતો .જેમાં બે ટ્રકની વચ્ચે કારનો ખુરદો બોલાઇ ગયો હતો. અકસ્માત એટલો ભયંકર હતો કે,કારમાં કેટલા લોકો સવાર હતા અને કેટલા લોકોના મોત થયા છે તેની પણ પુષ્ટિ થઈ શકી નથી.પોલીસે કારને નગરપાલિકા પોસ્ટમોર્ટમ રૂમ પાસે ખસેડી કટરથી કારને કાપીને અંદર રહેલા લોકોને બહાર કાઢવાની કવાયત હાથ ધરી છે.

અંકલેશ્વરના હાઇવે નંબર 48 ઉપર અનેક અકસ્માતોની ઘટનાઓ સામે આવતી હોય છે.ત્યારે આજે સોમવારના રોજ વધુ એક ગમખ્વાર અકસ્માતની ઘટના સામે આવી છે. અંકલેશ્વરની વાલીયા ચોકડી ઓવરબ્રિજ પરથી એક અમદાવાદ પાર્સિંગ ફોર વ્હીલર કાર સુરત તરફ જઈ રહી હતી.તે સમયે સાઇડ કાપીને અન્ય ટ્રેકમાં જતાં આગળ બ્રેક ડાઉન પડેલી ટ્રકના પાછળ ભટકતા પાછળ ફૂલ સ્પીડમાં આવી રહેલા ટ્રકના ચાલકે પાછળથી કારને ટક્કર મારતા કારનું કચ્ચરઘાણ નીકળી ગયો હતો. અકસ્માતના પગલે આજુબાજુમાંથી પસાર થતાં વાહન ચાલકો સ્થળ પર દોડી આવ્યા હતાં.

જોકે અકસ્માત એટલો ભયાનક હતો કે,કારનો ખુરદો બોલી ગયો હતો.જેમાં કારમાં સવાર માત્ર એક વ્યક્તિનો હાથ જ દેખાતો હતો.જોકે કારમાં અન્ય કેટલા લોકો સવાર છે તેની પણ પુષ્ટિ કરાઈ શકાઇ ન હતી. અકસ્માતના પગલે અંકલેશ્વર બી ડિવિઝન પોલીસ મથકનો પોલીસ સ્થળ ઘટના સ્થળ પર દોડી આવી ત્રણ જેટલી ક્રેનની મદદથી ટ્રકની વચ્ચે ફસાઈ ગયેલી કારને કાઢીને અંકલેશ્વર નગરપાલિકાના પીએમ રૂમ ઉપર લઈ ગયા હતા.ત્યાં ગેસ કટરથી કારને કાપીને અંદર રહેલા વ્યક્તિઓને બહાર કાઢવાની કવાયત હાથ ધરવામાં આવી હતી.

આ પણ વાંચોઃ  ચાલુ ટ્રકમાં તાડપતરી તોડી ચોરી કરતી ગેંગ ઝડપાઇ