તારક મહેતાના ચાહકો માટે સારા સમાચાર, 'દયાબેન' દિશા વાકાણી બીજીવાર માતા બની

દયા બેન એટલે કે દિશા વાકાણી લાંબા સમયથી તારક મહેતા કા ઉલ્ટા ચશ્મા શોથી દૂર છે અને હવે સમાચાર આવ્યા છે કે તે એક પુત્રની માતા બની છે. તેણે થોડા દિવસ પહેલા જ પુત્રને જન્મ આપ્યો હતો. તેમ તેના પતિએ જણાવ્યું હતું.

શોમાં તારક મહેતા કા ઉલ્ટા ચશ્મામાં દયા બેનના પાત્રથી દરેકનું દિલ જીતનાર દિશા વાકાણીને ચાહકો લાંબા સમયથી મિસ કરી રહ્યા છે. દિશા વર્ષ 2017માં પુત્રીની માતા બની હતી. તે દરમિયાન દિશા પ્રસૂતિ રજા પર ગઈ હતી. બધાને લાગતું હતું કે દિકરીના જન્મના થોડા દિવસો બાદ દિશા શોમાં પરત ફરશે, પરંતુ એવું થયું નહીં. આટલું જ નહીં, દિશા હજુ સુધી શોમાં પાછી આવી નથી. એટલું જ નહીં, ઘણી વખત એવું પણ કહેવામાં આવ્યું હતું કે દિશા શોમાં નહીં આવે અને તેની જગ્યાએ કોઈ અન્ય આવશે. તે જ સમયે, સમાચાર આવે છે કે દિશા શોમાં પરત ફરશે. આ દરમિયાન હવે એક મોટા સમાચાર સામે આવ્યા છે. રિપોર્ટ્સ અનુસાર, દિશા ફરી મા બની ગઈ છે.

મીડિયારિપોર્ટ અનુસાર, દિશા આ વખતે બેબી બોયની માતા બની છે. તેણે થોડા દિવસ પહેલા પુત્રને જન્મ આપ્યો હતો. તેના પતિ અને બિઝનેસમેન મયુર પંડ્યા અને તેના ભાઈ એક્ટર મયુર વાકાણીએ પણ આ સમાચારની પુષ્ટિ કરી છે.તમને જણાવી દઈએ કે વર્ષ 2021માં, દિશા તેના પતિ સાથે ફેમિલી ફંક્શનમાં જોવા મળી હતી અને તે સમયે અભિનેત્રીનું બેબી બમ્પ સ્પષ્ટ દેખાઈ રહ્યું હતું. શોમાં સુંદર લાલનું પાત્ર ભજવનાર દિશાના ભાઈ મયુરે કહ્યું, "હું ખૂબ જ ખુશ છું કે હું ફરીથી મામા બની ગયો છું. 2017 માં, દિશાની પુત્રીનો જન્મ થયો અને હવે એક પુત્ર છે. હું બહુ ખુશ છું.'

તાજેતરમાં, શોના નિર્માતા અસિત મોદીએ દયા બેનના પાત્રની વાપસી વિશે કહ્યું, 'અમે શોમાં તેનો ટ્રેક ફરીથી બતાવવાની સંપૂર્ણ યોજના બનાવી છે. મને ખબર નથી કે દિશા દયા બેન તરીકે પરત ફરશે કે કેમ પરંતુ દિશા બેન હોય કે નિશા બેન, અમે શોમાં દયાનું પાત્ર ચોક્કસ લાવશું.

દિશાના ભાઈએ કહ્યું, 'દિશા ચોક્કસપણે શોમાં પરત ફરશે. તેને ઘણો સમય થઈ ગયો છે અને તારક મહેતા એકમાત્ર એવો શો છે જ્યાં દિશાએ આટલા વર્ષો સુધી કામ કર્યું. તેથી દિશા શોમાં પાછી ના આવે તેનું કોઈ કારણ નથી. અમે રાહ જોઈ રહ્યા છીએ કે તે ક્યારે પાછી આવશે. હવે જોવાનું છે કે દિશા આખરે શોમાં ક્યારે એન્ટ્રી કરશે. કોઈપણ રીતે, આ સમયે નિર્માતાઓ માટે શોમાં દયા બેનને પરત કરવી જરૂરી છે કારણ કે ધીમે ધીમે ઘણા કલાકારો આ શો છોડી રહ્યા છે. હાલમાં જ શોમાં તારક મહેતાનું પાત્ર ભજવનાર શૈલેષ લોઢાએ આ શો છોડી દીધો હોવાના સમાચાર સામે આવ્યા છે. સાથે જ બબિતાજી પણ ટૂંક સમયમાં શો છોડી શકે તેવા સમાચારો આવ્યાં છે. 

Daya BenDisha VakaniDaya Ben Return