સરકારે પાણીપુરી પર લગાવ્યો પ્રતિબંધ, જાણો શું છે કારણ

નેપાળની સરકારે રાજધાની કાઠમંડુમાં આવો પ્રતિબંધ લગાવ્યો છે, જેને સાંભળીને બધા આશ્ચર્યચકિત થઈ ગયા છે. હકીકતમાં, અહીં સ્વાસ્થ્ય મંત્રાલયે કાઠમંડુના LMCમાં ગોલગપ્પા પર પ્રતિબંધ મૂક્યો છે. ખીણના લલિતપુર મેટ્રોપોલિટન સિટીમાં કોલેરાના કેસ વધ્યા બાદ આ નિર્ણય લેવામાં આવ્યો છે. એવો દાવો કરવામાં આવ્યો છે કે પાણીપુરીમાં ઉપયોગમાં લેવાતા પાણીમાં કોલેરાના બેક્ટેરિયા મળી આવ્યા છે.

મ્યુનિસિપલ પોલીસ વડા સીતારામ હચેતુના જણાવ્યા મુજબ ભીડભાડવાળા વિસ્તારો અને કોરિડોર વિસ્તારોમાં પાણીપુરીના વેચાણ પર પ્રતિબંધ મૂકવાની તમામ તૈયારીઓ કરી લેવામાં આવી છે. તેમનું કહેવું છે કે પાણીપુરીને કારણે કોલેરાના કેસ વધવાનો ભય છે. કાઠમંડુમાં રવિવારે કોલેરાના સાત નવા કેસ મળી આવ્યા હતા. આ સાથે ખીણમાં કુલ દર્દીઓની સંખ્યા 12 થઈ ગઈ છે.

નેપાળના આરોગ્ય મંત્રાલય હેઠળના રોગશાસ્ત્ર અને રોગ નિયંત્રણ વિભાગના નિર્દેશક ચમનલાલ દાસે જણાવ્યું હતું કે કાઠમંડુ મહાનગરમાં કોલેરાના પાંચ કેસ મળી આવ્યા હતા. આ ઉપરાંત ચંદ્રગિરી નગરપાલિકામાં એક અને બુધનીકાંતા નગરપાલિકામાં એક કેસ નોંધાયો હતો. દરમિયાન આરોગ્ય મંત્રાલયે લોકોને કોલેરાના કોઈપણ લક્ષણોની જાણ થતાં જ નજીકની હોસ્પિટલનો સંપર્ક કરવાની સલાહ આપી છે. વરસાદ અને ઉનાળાની ઋતુમાં ફેલાતા ઝાડા, કોલેરા જેવા પાણીજન્ય રોગોથી સાવચેત રહેવા સરકારે લોકોને અપીલ કરી છે.