Vadodara : અશાંતધારા પર DyCM Harshbhai Sanghavi નું નિવેદન

વડોદરામાં એક કાર્યક્રમ દરમિયાન ગૃહ રાજ્યમંત્રી હર્ષ સંઘવીએ અશાંતધારાના કાયદાના અમલીકરણ અંગે આક્રમક વલણ અપનાવ્યું હતું. તેમણે જણાવ્યું હતું કે અશાંતધારાની વાત સાંભળીને જ કોંગ્રેસ ધુંઆપૂંઆ થઈ જાય છે. સંઘવીએ જનતાને સંબોધતા પૂછ્યું હતું કે, "શું અશાંતધારાના નિયમોનું મજબૂત પાલન થવું જોઈએ કે નહીં?"

તેમણે વધુમાં ઉમેર્યું કે, મજબૂત અશાંતધારો અમલી બનાવવાથી કોંગ્રેસ અને 'આપ' (AAP) ના પેટમાં કેમ દુખે છે તે સમજાતું નથી. હર્ષ સંઘવીએ આક્ષેપ કર્યો હતો કે વિપક્ષ હંમેશા આ કાયદાનો વિરોધ કરીને શું સાબિત કરવા માંગે છે? સરકાર કોઈ પણ ભોગે સામાજિક સંતુલન અને નાગરિકોની સુરક્ષા માટે અશાંતધારાના કાયદાનું ચુસ્ત પાલન કરાવવા કટિબદ્ધ છે.