આઈસીસી રેન્કિંગમાં રવિન્દ્ર જાડેજા ટોપ ઓલરાઉન્ડર સાથે પ્રથમ સ્થાને યથાવત, કોહલી અને રોહિત શર્માને નુકસાન

આઈસીસી દ્વારા ટેસ્ટ રેન્કિંગ લિસ્ટ જાહેર કરવામાં
આવ્યું છે. જેમાં ભારતના ઓલરાઉન્ડર રવિન્દ્ર જાડેજાએ પ્રથમ સ્થાન જાળવી રાખ્યું
છે. જ્યારે ભારત પૂર્વ કેપ્ટન વિરાટ કોહલી અને હાલના કેપ્ટન રોહિત શર્માને નુકસાન
થયું છે. ભૂતપૂર્વ
ભારતીય કેપ્ટન વિરાટ કોહલીને ICC ટેસ્ટ
રેન્કિંગમાં નુકસાન થયું છે. તે દસમા સ્થાને આવી ગયો છે. તેના સિવાય ભારતીય કેપ્ટન
રોહિત શર્મા પણ 8મા સ્થાને છે. વિરાટના ખાતામાં 742 રેટિંગ પોઈન્ટ છે.
ઓસ્ટ્રેલિયાનો બેટ્સમેન માર્નસ લાબુશેન હજુ પણ નંબર-1 બેટ્સમેન છે. જ્યારે જો આપણે
ટેસ્ટના શ્રેષ્ઠ ઓલરાઉન્ડરની વાત કરીએ તો, ભારતના રવિન્દ્ર જાડેજા ટોચ પર છે. ગયા અઠવાડિયે પણ તે
ટેસ્ટમાં વિશ્વનો સર્વશ્રેષ્ઠ ઓલરાઉન્ડર હતો. ભારતીય ઓલરાઉન્ડર આર અશ્વિનને એક
સ્થાનનો ફાયદો થયો છે અને તે ઓલરાઉન્ડરોની યાદીમાં બીજા સ્થાને આવી ગયો છે.

Major changes in the latest @MRFWorldwide ICC Men’s Player Rankings for Tests and ODIs 👀

More ➡️ https://t.co/MsmAFEH2gG pic.twitter.com/5Cr3GbWccp

— ICC (@ICC) March 30, 2022" title="" target="">javascript:nicTemp();

ઓસ્ટ્રેલિયાના
બેટ્સમેન ઉસ્માન ખ્વાજાએ બેટ્સમેનોની ટેસ્ટ રેન્કિંગમાં સૌથી મોટી છલાંગ લગાવી છે.
ખ્વાજાને પાકિસ્તાન સામેની 3 ટેસ્ટ મેચની શ્રેણીમાં શાનદાર પ્રદર્શનનો ફાયદો થયો
છે. તેણે તાજેતરમાં સમાપ્ત થયેલી શ્રેણીમાં 165થી વધુની સરેરાશથી 496 રન બનાવ્યા
હતા. તેણે શ્રેણીમાં 97, 160,
44*, 91 અને 104* રનની ઇનિંગ્સ રમી હતી. તેની
છેલ્લી બે ઇનિંગ્સના આધારે ઓસ્ટ્રેલિયાએ લાહોરમાં રમાયેલી ત્રીજી ટેસ્ટમાં
પાકિસ્તાનને 115 રનથી હરાવ્યું હતું. આ
પહેલા તેણે આ વર્ષની શરૂઆતમાં ઈંગ્લેન્ડ સામે એશિઝ શ્રેણીની સિડની ટેસ્ટની બંને
ઈનિંગ્સમાં સદી ફટકારી હતી. આ કારણોસર, તે હવે ડેવિડ વોર્નર, ઋષભ પંત, વિરાટ
કોહલી, ટ્રેવિસ
હેડ અને રોહિત શર્માને પાછળ છોડીને તાજેતરની ટેસ્ટ રેન્કિંગમાં 7માં સ્થાને પહોંચી
ગયો છે. તેણે સીધા 6 સ્થાનની છલાંગ લગાવી છે.

ઓસ્ટ્રેલિયાના 4 ખેલાડીઓ ટેસ્ટના ટોપ-10
બેટ્સમેનોમાં સામેલ છે. માર્નસ લાબુશેન પ્રથમ અને સ્ટીવ સ્મિથ બીજા ક્રમે છે. ખ્વાજા
7માં અને હેડ 9માં સ્થાને છે. ન્યુઝીલેન્ડનો કેન વિલિયમસન ત્રીજા અને ઈંગ્લેન્ડનો
જો રૂટ ચોથા ક્રમે છે. બાબર આઝમ પાંચમા અને દિમુથ કરુણારત્ને છઠ્ઠા સ્થાને છે.
બોલરોની રેન્કિંગમાં કોઈ ખાસ ફેરફાર થયો નથી. ઓસ્ટ્રેલિયાનો પેટ કમિન્સ હજુ પણ
વિશ્વનો નંબર 1 બોલર છે. જ્યારે અશ્વિન બીજા અને કાગિસો રબાડા ત્રીજા સ્થાને છે.
જસપ્રીત બુમરાહ પણ ચોથા સ્થાને યથાવત છે.