IMA દ્વારા ઠંડીના કહેરને લઈને અપાઈ વોર્નિંગ, જાહેર કરાઈ ગાઇડલાઇન્સ

ઇન્ડિયન મેડિકલ એસોસિએશનના ગુજરાતના પ્રતિનિધિ ડોક્ટર મુકેશ મહેશ્વરીએ જણાવ્યું કે શિયાળો જ્યારે ટોચ પર હોય ત્યારે સૌથી વધુ વાયરસનું પ્રમાણ જોવા મળતું હોય છે. હાલમાં વિવિધ રોગોમાં 35 થી 40% નો વધારો નોંધાયો છે જેમાં શરદી, ખાંસી, ઉધરસ, તાવ, કાર્ડિયાક અરેસ્ટ, શ્વાસ લેવામાં તકલીફ, હૃદય રોગના પ્રમાણમાં પણ વધારો નોંધાયો છે. વિશેષ કરીને બાળકોમાં વાયરલ ઇન્ફેક્શન ના પ્રમાણમાં 60 થી 70 ટકા જેટલો વધારો નોંધાયો છે. ઉપરાંત આ સિઝનમાં વાયરલ ઇન્ફેક્શન માં જોવા મળતા લક્ષણો કોરોનામાં પણ સરખા હોય છે. ત્યારે લાંબા સમય સુધી તેમાં રિકવરીના આવે તો કોરોના ટેસ્ટ કરાવવા પણ IMA દ્વારા અપીલ કરવામાં આવી છે. ઉપરાંત  ઇન્ડિયન મેડિકલ એસોસિએશન દ્વારા ઠંડીથી બચવા ગાઇડલાઇન્સ પણ જારી કરવામાં આવી છે.

હાલમાં જે રીતે ઠંડીનો કહેર રોજબરોજ વધી રહ્યો છે ત્યારે આગામી સમયમાં પણ હજુ ઠંડી પડવાની છે તેથી શાળા સંચાલકોએ સવારની પહેલી પાળી નો સમય વધારવો જોઈએ તેવું એ દ્વારા અપીલ કરવામાં આવી છે સાથે જ સરકારે પણ આ દિશામાં સૂચક પગલાં લેવા જોઈએ. સવારના પહોરમાં બાળકો ઠંડીમાં વહેલી સવારે સ્કૂલે જતા હોય તેમને ઠંડી લાગવાનો ભય રહેતો હોય છે તેથી શાળાનો સમય મોડો કરવામાં આવે તે જરૂરી છે અને આ બાબતે શાળા સંચાલકો પણ વિશેષ નિર્ણય લેવા જોઈએ ઉપરાંત વાલીઓએ બાળકોને શાળાએ મોકલતી વખતે પૂરતા ગરમ વસ્ત્રો પહેરાવીને અને સવારે હળવો ગરમ નાસ્તો કરાવીને જ શાળાએ મોકલવા જોઈએ તે તેમના હિતમાં રહેશે.

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.