મોંઘવારીએ માજા મુકી, હજુ પણ ફુગાવો વધશે, RBIના રિપોર્ટમાં ચોંકાવનારી વાત સામે આવી

ઊંચા જથ્થાબંધ ભાવ
આધારિત ફુગાવા (WPI)ને કારણે થોડા સમય પછી છૂટક ફુગાવા પર
દબાણ આવવાનું જોખમ રહેલું છે. આ આશંકા ભારતીય રિઝર્વ બેંક (RBI) દ્વારા વ્યક્ત કરવામાં આવી છે.તેના
વાર્ષિક અહેવાલમાં
RBIએ જણાવ્યું હતું કે ઔદ્યોગિક કાચા
માલના ઊંચા ભાવ, પરિવહન ખર્ચ, વૈશ્વિક 'લોજિસ્ટિક્સ' અને સપ્લાય ચેઇનમાં વિક્ષેપ મુખ્ય ફુગાવા પર દબાણ વધારી રહ્યા છે.ઉત્પાદિત
ઉત્પાદનોના ફુગાવામાં તીવ્ર વધારો વચ્ચે જથ્થાબંધ અને છૂટક ફુગાવા વચ્ચેના
વિસ્તરણને કારણે ઉત્પાદન ખર્ચ પર દબાણ સમયાંતરે છૂટક ફુગાવા પર પડવાનું જોખમ છે. 

રૂસો- યુક્રેન યુદ્ધ અને તેના પરિણામે કોમોડિટીના ભાવમાં વધારો
ભારત સહિત સમગ્ર વિશ્વમાં ફુગાવાના અંદાજને અસર કરી રહ્યો છે. ફુગાવાને અંકુશમાં લેવા માટે, સરકારે તાજેતરમાં વાહનોના ઇંધણ પરની આબકારી જકાતમાં ઘટાડો, સ્ટીલ અને પ્લાસ્ટિક ઉદ્યોગમાં વપરાતા ચોક્કસ કાચા માલ પરની આયાત
જકાત દૂર કરવા સહિતના અનેક પગલાં લીધા છે.જથ્થાબંધ ફુગાવો
એપ્રિલમાં 15.08 ટકાના વિક્રમી સ્તરે પહોંચ્યો હતો, જે ઇંધણ, શાકભાજી અને રાંધણ તેલના ભાવમાં વધારો
થવાને કારણે છે. તે જ સમયે, છૂટક ફુગાવો 7.79 ટકાની લગભગ આઠ વર્ષની ટોચે પહોંચી ગયો છે. આરબીઆઈએ વધતી જતી
ફુગાવાને કાબૂમાં રાખવા માટે આ મહિને પોલિસી રેટ રેપોમાં 0.40 ટકાનો વધારો કરીને 4.40 ટકા કર્યો છે.