Kutch : સસ્તા સોનાની લાલચ મોંઘી સાબિત થઈ, લાલચમાં અનેક લોકોએ મોટી રકમ ગુમાવી

ભુજમાં સસ્તું સોનું આપવાની લાલચ આપી લોકો સાથે છેતરપિંડી કરતી ટોળકીનો પર્દાફાશ થયો છે. ઈમરાન અને મોસીમ સુમરા નામના બે શખ્સો સોશિયલ મીડિયા પર ફેક આઈડી બનાવી વીડિયો મૂકતા હતા અને લોકોને સસ્તા ભાવે સોનું આપવાની જાળમાં ફસાવતા હતા. અનેક લોકોએ વધુ નફાની લાલચમાં પોતાની જીવનમૂડી ગુમાવી છે. પોલીસે આ મામલે કાર્યવાહી કરી બંનેની ધરપકડ કરી છે અને કુલ 56.30 લાખ રૂપિયાનો મુદ્દામાલ જપ્ત કર્યો છે. હાલમાં એક ફરાર આરોપીને પકડવા માટે ચક્રો ગતિમાન કર્યા છે.