પેપરલીક બાદ પરીક્ષા રદ થતા લાખ્ખો વિદ્યાર્થીઓ રઝળ્યા, વિદ્યાર્થીઓમાં એક તરફ રોષ બીજી તરફ નિરાશા

પંચાયત સેવા  પસંદગી સેવા મંડળનું પેપર લીકની ઘટનાએ લાખ્ખો વિદ્યાર્થીઓને નિરાશ કર્યા છે. આ ઘટનાથી સાડા નવ લાખ પરીક્ષાર્થીઓ રઝળી પડ્યાં છે.કડકડતી ઠંડીમાં વિદ્યાર્થીઓને રઝળવાનો વારો આવ્યો છે. 

તમામ એસટી ડેપોમાં પરીક્ષાર્થીઓની ભીડ જોવા મળી. અમદાવાદમાં ગીતા મંદિર બસ સ્ટોપ પર પરીક્ષાર્થીઓની ભારે ભીડ જોવા મળી. એસટી બસમાં પ્રવાસ કરતા  પરીક્ષાર્થીઓએ  પરત જવા માટે એસટીની ટિકિટ નહિ લેવી પડે. જુનિયર ક્લાર્કની પરીક્ષા આપનાર પરીક્ષાર્થીઓને પરત જવા માટે એસટીમાં નિશુલ્ક પ્રવાસની જાહેરાત કરવામાં આવી છે. 

પરીક્ષાર્થીઓને રાહત આપવા માટે પંચાયત સેવા પસંદગી મંડળે તેમને એસટીમાં ઘરે પરત ફરવા માટે નિશુલ્ક પ્રવાસ આપવાની જાહેરાત કરી હતી.આ મામલે વિદ્યાર્થી નેતા યુવરાજ સિંહે મોટા દાવો કર્યો છે. તેમણે ખુલાસો કરતા જણાવ્યું કે, પેપર લીક કરતા એજન્ટ મામલે તંત્રનું પહેલાથી જ ધ્યાન દોરવામાં આવ્યું હતું પરંતુ ફરી એકવાર કોઇ પગલા ન લેવાતા આખરે 9 લાખથી વધુ પરીક્ષાર્થીઓની મહેનત પર પાણી ફરી વળ્યું છે. 

આ પણ વાંચોઃ  ગુજરાત પંચાયત સેવા પસંદગી મંડળની જુનિયર ક્લાર્કની પરીક્ષાનું પેપર લીક, પરીક્ષા રદ કરવાનો પરિપત્ર જારી