Live ડિજિટલ એરેસ્ટ ચાલુ હતું ત્યારે પોલીસ ઘરે પહોંચી અને પછી..!
- લાઇવ ડિજિટલ એરેસ્ટ ચાલુ હતું ત્યારે પોલીસ ઘરે પહોંચી
- ઠગોએ મ્યુચ્યુઅલ ફંડના રૂ. 46 લાખનો હિસાબ માંગ્યો હતો
- ખોટા દસ્તાવેજોનો ઉપયોગ કરી ડિજિટલ એરેસ્ટ કરવામાં આવ્યું હતું
- 5 કરોડની મની લોન્ડરિંગનો આરોપ મૂકી ડરાવવામાં આવ્યું
- ઠગોએ પોતાને મુંબઈ ક્રાઇમ બ્રાન્ચના અધિકારી તરીકે ઓળખ આપી હતી
- ડિજિટલ એરેસ્ટ કોર્ટ પણ ઊભી કરી અને સજા સુનાવી હતી
- અમિત દેસાઈ નામના 62 વર્ષીય વૃદ્ધને છોડાવ્યા હતા
Surat Live Digital Arrest : સુરતમાં ડિજિટલ એરેસ્ટનો એક નવો અને નાટકીય કિસ્સો સામે આવ્યો છે. શહેરના વરાછા વિસ્તારમાં રહેતા સુરત મહાનગરપાલિકાના નિવૃત્ત કર્મચારી અમિત દેસાઈને ઠગોએ લાઇવ વીડિયો કોલ પર “ડિજિટલ એરેસ્ટ” કરી દીધા હતા અને 5 કરોડ રૂપિયાની મની લોન્ડરિંગનો આરોપ મૂકી ધમકાવ્યા હતા. ઠગોએ ખોટા દસ્તાવેજો બતાવીને એક નકલી કોર્ટ પણ ઊભી કરી હતી અને વૃદ્ધને “સજા” પણ સંભળાવી દીધી હતી!
અમિતભાઈને એક અજાણ્યા નંબર પરથી ફોન આવ્યો અને કોલરે પોતાને મુંબઈ ક્રાઇમ બ્રાન્ચનો અધિકારી ગણાવ્યો હતો. તેમણે કહ્યું કે, “તમારા નામે 5 કરોડની મની લોન્ડરિંગ થઈ છે. તમારા મ્યુચ્યુઅલ ફંડના 46 લાખ રૂપિયા પણ આ કેસમાં ફસાયા છે.” પછી તેમને વીડિયો કોલ પર લઈ જવામાં આવ્યા અને ખોટા દસ્તાવેજો, પોલીસ યુનિફોર્મવાળા ફોટા તથા નકલી કોર્ટનું નાટક રચીને ડરાવવામાં આવ્યા હતો. ઠગોએ તેમને ઘરની બહાર ન નીકળવા અને કોઈને ફોન ન કરવાની સખત મનાઈ ફરમાવી હતી.
આ પણ વાંચો : Surat : ડિજિટલ એરેસ્ટમાં ખોટી કોર્ટ ઊભી કરીને સજા સંભળાવી, 62 વર્ષીય વૃદ્ધને પોલીસે બચાવ્યા